Җирле әһәмияткә ия мәсьәләләрне бергәләп хәл итәбез

2020 елның 18 сентябре, җомга

    Район үзәге Байлар Сабасы бистәсеннән 11 чакрым ераклыкта урнашкан Урта Саба авылы халкы да, ниһаять, әкренләп язгы-көзге пычраклар вакытында җиңел сулап куя алачак. Чөнки моңарчы җәяүлеләрне дә, машина йөртүчеләрне дә борчыган юл мәсьәләсе уңай хәл ителде. 2020нче ел өчен җыелган җирле референдум акчасы хисабына “МДСУ-1” җәмгыяте эшчеләре Х.Такташ урамына вак таш түшәделәр (гомуми суммасы 1 млн.нан артык). Халык җирле әһәмияткә ия мәсьәләләрне хәл итүдә һәр ел саен үткәрелүче референдумның роле зур икәнен аңлап эш итә һәм шуңа да проблемаларның уңай хәл ителәсенә ышанып тавыш бирә.