Өлкәннәргә игътибар.
«Демография» милли проекты һәм «өлкән буын» Федераль проекты кысаларында Татарстан Республикасы Хезмәт, халыкны эш белән тәэмин итү һәм социаль яклау министрлыгының Саба муниципаль районындагы дәүләт автоном социаль хезмәт күрсәтү учреждениесе «Балкыш» белгечләре тарафыннан 70 яшьтән өлкәнрәк ялгыз һәм ялгыз яшәүче пенсионерларга һәм инвалидларга өйдә йөреп чыгу дәвам итә.
Өйдә йөреп чыгу максаты-социаль хезмәт күрсәтүгә, торак-көнкүреш шартларына, газ җиһазларын, электр үткәргечләрне тикшерүгә мохтаҗлыкны ачыклау һәм автоматик янгын хәбәрчеләре булу-булмавын тикшерү.
Өлкәннәр белән COVID-19 коронавирусы эпидемиясе, саклау чаралары, янгын куркынычсызлыгы кагыйдәләрен үтәү, социаль мошенниклыктан саклану чаралары, социаль ярдәм чаралары турында аңлату әңгәмәләре үткәрелә, ашыгыч хезмәтләрнең телефон номерлары язылган белешмәлекләр өләшенә. Мондый характердагы әңгәмәләр аларны уяу һәм игътибарлы булырга өйрәтә.