" Биш парлы","Йөзек салышлы"

2026 елның 1 апреленнән 31 маена кадәр Татарстан Республикасында торак пунктлар территорияләрен чистарту буенча санитар-экологик икеайлык уза.Санитар-экологик икеайлык кысаларында Тимершык авыл җирлегендәге оешма-предприятиеләрдә, шәхси хуҗалыкларда, урамнарда, чишмәләрдә тирә-якны чүпләрдән чистарту максатыннан өмәләр башланды. Җыештыру эшләрендә җирлек халкы зур теләк белдереп актив катнаша. 

  Татарстан Республикасы Саба муниципаль районының Миңгәр авылында Мишә елгасы аша автомобиль күпере төзелеше 2025 елның 28 августында башланды. Проект «Тормыш өчен инфраструктура» милли проекты кысаларында тормышка ашырыла, ул торак пунктларны комплекслы үстерүгә, юллар төзүгә һәм ремонтлауга, территорияләрне төзекләндерүгә һәм инфраструктураны яңартуга юнәлдерелгән. Күпер төзелешен “Базовый проект” ҖЧҖ  башкара.

5 апрельдә «Саба-Арена» спорт комплексында "Халыкара өстәл теннисы көне" билгеләп үтелде. Ир-атлар арасында ялгыз разрядта Раил Галиәкбәров һәм Алмаз Гарипов пьедесталның өченче баскычына күтәрелделәр. Икенче-Илсаф Латыйпов. Камил Вилданов җиңүче булды. Хатын-кызлар разрядында өченче урынны  Анастасия Ануфриева һәм Камилә Әхмәтова алды. Икенче урын- Иделия Сафинада.Турнирның җиңүчесе Зилә Хәбибрахманова булды. Җиңүчеләргә һәм призерларга «Саба-Арена» спорт мәктәбеннән тиешле дәрәҗәдәге дипломнар һәм  татлы призлар бирелде.

  2026 нчы елның 4нче апрелендә Саба- Арена  спорт мәктәбендә , "Урожай" ДСОның 90 еллыгына багышланган ,Татарстан Республикасы "Сәламәтлек" XXIII авыл Спартакиадасы кысаларында авыл командалары арасында шашка буенча Татарстан Республикасы команда Чемпионаты узды. Турнир нәтиҗәләре: 1 нче урын: Биектау районы командасы (Минҗанов Ленар, Камалиева Гүзәл) 2 нче урын: Зеленодольск районы командасы (Михаил Пигасов, Светлана Дубровина). 3 нче урын: Балтач районы командасы (Нәбиев Рифкать, Габделганиева Чулпан) Призерларны котлыйбыз!