Акция «Бала-төп пассажир»
Сабаның 2нче номерлы «Эллуки» балалар бакчасында «Бала-төп пассажир» исеме астында акция узды. Чараның төп максаты-ата-аналарның игътибарын, пассажир балаларның куркынычсызлыгы проблемасына җәлеп итү.
Юл куркынычсызлыгы проблемасы һәрвакыт актуаль. Автомобиль салонында балаларны йөртү аеруча куркыныч тудыра. Ата-аналар кайвакыт балалар өчен махсус утыргычлар һәм куркынычсызлык каешларын кулланмыйлар. Бу еш кына, юл-транспорт һәлакәтләре вакытында, юл фаҗигасенә китерергә мөмкин.
Иң мөһим пассажирлар автомобильдә-балалар. Аларга ышанычлылык һәм комфорт тәэмин итү өчен , һәр ата-ана автокресло булырга тиеш.
Әлеге чара барышында безнең балалар бакчасының әти-әниләре куркынычсызлык каешларын эләктереп алган «Балалар автокреслода» фотосурәтләре белән уртаклаштылар.
Балалар бакчасының барлык төркемнәрендә «Юл йөрү кагыйдәләрен бел һәм үтә» дигән почмаклар, «Смешарики и ПДД» дигән белем бирү мультфильмнары, рәсем конкурсы, уеннар, эстафеталар оештырылды.
Балалар бакчасының әти-әниләре белән балаларны ташу кагыйдәләре буенча әңгәмәләр үткәрелде. Акцияда катнашучылар автомобильдәге иң төп пассажирларның-балалар турында белешмәлекләр һәм искәрмәләр алдылар.
Мәктәпкәчә белем бирү учреждениеләре педагоглары акция нәтиҗәсе буларак, пассажир балалар катнашында юл - транспорт һәлакәтләре саны кимер дип өметләнәләр.