Тыл хезмәтчәннәренә Җиңүнең 75 еллыгына юбилей медале тапшырылды
Илебез буйлап Бөек Җиңүнең 75 еллыгына багышланган акция- ветераннарга һәм тыл хезмәтчәннәренә «1941-1945 еллардагы Бөек Ватан сугышында җиңүгә 75 ел» дип аталган юбилей медальләрен тапшыру бара.
6 март көнне Югары Симет авыл җирлегендә яшәүче 6 тыл хезмәтчәненә Җиңүнең 75 еллыгына багышланган юбилей медале тапшырылды. Алар өчен бу Халыкара хатын-кызлар көне уңаеннан бүләк булды. Саба муниципаль районы Җир һәм мөлкәт мөнәсәбәтләре палатасы рәисе А. М. Галимуллин һәм авыл җирлеге башлыгы И.Р.Әхмәдуллин тыл хезмәтчәннәрен юбилей көне һәм якынлашып килүче Халык-ара хатын-кызлар көне белән җылы котладылар, аларга яхшы кәеф , якыннарының кайгыртучанлыгын тоеп яшәүләрен , бәхетле картлык кичерүләрен теләделәр, шулай ук аларга Россия Президенты В.Путинның котлавын, юбилей медален һәм бүләк пакетлар тапшырдылар.