«Күңелле светофор» дип исемләнгән рәсем конкурсы

2019 елның 18 октябре, җомга

Бүген балаларның иминлеге - иң төп һәм беренче чираттагы проблема. Без, өлкәннәр, балаларны юл йөрү кагыйдәләренә өйрәтергә тиеш. Балалар юл-транспорт травматизмы еш кына балаларның машиналар йөри торган юлда уйнаулары аркасында килеп чыга. 17 октябрь көнне, Кызыл Мишә мәдәният йорты һәм китапханә хезмәткәрләре, укучылар белән, «Күңелле светофор»дип исемләнгән рәсем конкурсы үткәрделәр. Китапханәче аларны юл йөрү кагыйдәләре темасына багышланган әдәбият белән таныштырды. Аннан соң балалар рәсемнәр ясарга керештеләр. Алар үз рәсемнәрендә төрле светофорлар ясаганнар иде. Балаларның барлык эшләре дә бәяләнде һәм призлар белән бүләкләнде.