Татарстанлылар 2018 ел өчен милек салымнарын түләү буенча гаризалар ала башлады
Республикада яшәүчеләр, 2018 ел өчен милек салымнарын (физик затлар милкенә салым, Җир һәм транспорт салымнары) түләү буенча, Россия Федераль салым хезмәте сайтының шәхси кабинетлары һәм почта аша салым белдерүләре ала башладылар.
Хәбәрнамәләрне почта аша җибәрү октябрьгә кадәр дәвам итәчәк, ә салымнарны 2019 елның 2 декабреннән дә соңга калмыйча түләргә кирәк.
Россия Федераль салым хезмәтенең Татарстан Республикасы буенча Идарәсе хәбәр иткәнчә, әгәр дә исәп-хисап суммасы 100 сумнан кимрәк булса, салым белдерүе җибәрелмәячәк. Салым түләүче аны киләсе елда (әгәр исәп-хисаплар 100 сумнан артык булса) яки өч ел өчен берьюлы алачак.
2019 елда салым хәбәрнамәсе формасы үзгәрде. Анда хәзер салымнарны бюджет системасына күчерү өчен реквизитлар күрсәтелә. Шул ук вакытта аерым түләү документы (квитанция) җибәрелми.
Салымнар исәпләү һәм ташламалар бирү тәртибендә дә үзгәрешләр булды.
Күп балалы ата-аналар бер җир участогының 600 квадрат метр мәйданындагы җир салымы күләмен киметү мөмкинлегенә ия булдылар. Әгәр участок алты сутый һәм азрак икән, салым түләргә кирәкми. Алты сутыйдан артса, түләү калган мәйдан өчен исәпләнә.
Күп балалы гаиләләр өчен милеккә салым өлешендә дә өстәмә чигерүләр каралган. Алар өч һәм аннан күбрәк балигъ булмаган балалары булган ата-аналарга, уллыкка алучыларга һәм опекуннарга бирелергә тиеш.Түләү фатирның гомуми мәйданының биш квадрат метрының, фатирның яки бүлмәнең бер өлешенең һәм торак йортның гомуми мәйданының җиде квадрат метрының яки аның бер өлешенең кадастр бәясе күләменә, балигъ булмаган һәр балага исәпләгәндә, киметелә. Әйтик, ир белән хатынның өч баласы һәм 90 квадрат метр фатиры булса, салымны исәпләгәндә 20 квадрат метр күләмендә стандарт тотып калынган акча һәм һәр балага бишәр метр өстәмә акча кулланыла. Нәтиҗәдә, алар 55 квадрат метрдан салым түләячәк. Милеккә салым буенча чигерүләрне һәр төрдәге бер объектка: бүлмә, фатир яки йортка алырга була.
Республикада урнашкан мөлкәт буенча, физик затлар милкенә салымны исәпләгәндә, алдагы ел белән чагыштырганда, түләү үсешен ун процентка чикләү коэффициенты кулланылган.
Транспорт салымы өлешендә: автомобиль яки урланган мотоцикл, аны үткәрү вакыты чыккач, эзләү туктатылган көнгә кадәр түгел, ә хуҗасын кире кайтарган айга кадәр салым салынмый.
Ташлама белән салым түләү мөмкинлеге булган гражданнар (пенсионерлар, инвалидлар, күп балалы һ.б.) өчен тагын бер мөһим яңалык: әгәр салым органнарында ташламалардан файдаланучы кеше турында белешмәләр булса яңадан ташламалар бирү турында сорарга туры килмәячәк.
Әгәр салым белдерүендә барлык ташламалар да исәпкә алынмаган яки милек объекты яки аның хуҗасы турында актуаль булмаган мәгълүмат (әйтик, кеше йортны саткан, ә ниндидер сәбәпләр аркасында аның милекчесе булып санала) булса, мәгълүматларны тикшерү һәм төзәтүләр кертү өчен салым органына, шул исәптән " Россия Федераль салым хезмәтенә мөрәҗәгать итәргә»кирәк.
Тулырак мәгълүматны Россия Федераль салым хезмәте сайтында «Физик затларга салым хәбәрнамәсе 2019» промо-битендә һәм «милек салымнары буенча ставкалар һәм ташламалар турында белешмә» сервисында алырга мөмкин.