Бәйрәм белән! Автомобиль һәм шәһәр пассажир транспорты хезмәткәрләре көне белән!
Хөрмәтле автомобиль транспорты хезмәткәрләре һәм тармак ветераннары!
Сезне һөнәри бәйрәмегез белән чын күңелдән котлыйбыз!
Бүген автотранспорт комплексы районның икътисади тормышында мөһим урын алып тора. Ул район хуҗалыгының барлык өлкәләренең дә диярлек җайга салынган эшен тәэмин итә, йөк һәм кешеләре ташу, азык-төлек һәм товарлар белән тәэмин итү, кичектергесез ярдәм күрсәтү кебек мөһим мәсьәләләрне хәл итүгә ярдәм итә.
Автомобиль тармагы хезмәткәрләре үз хезмәтенең мөһимлеген яхшы аңлыйлар һәм куелган бурычларны үтәүгә бик җаваплы карыйлар.
Бу бик кирәкле һөнәр вәкилләренең барысына да үз эшләренә бирелгәнлеге һәм югары профессиональлеге өчен чын күңелдән рәхмәт белдерәбез. Барыгызга да чын күңелдән нык сәламәтлек, бәхет, районда уңышлы эшләр һәм юлда уңышлар телибез!