ЯҢАЛЫКЛАР

            Лесхоз картлар һәм инвалидлар өчен интернат-йортында Россия көненә багышланган чаралар узды.

            Социаль эш буенча белгеч Вәлиева А.М. җитәкчелегендә пластилиныннан әвәләп бәйрәм открыткалары ясау буенча дәрес үткәрелде.

            Социаль хезмәт алучылар һәм интернатта эшләүчеләр өчен бәйрәм концерты оештырылды. Концерт башланыр алдыннан барыбызны да бәйрәм белән чын күңелдән котладылар. Социаль хезмәт алучылар һәм интернат хезмәткәрләре барысына да бәйрәм кәефе бүләк иттеләр. Һәр талантлы башкарылган номер тамашачыларга онытылмас тәэсир калдырды, шатлык һәм яхшы кәеф бүләк итте.

            Бүген 10 нчы июнь көнне Лесхоз интернат-йортында социаль хезмәт алучы, блокадалы Ленинградта яшәүче Исхаков Ринат Сандык улы туган көнен билгеләп үтә. Хезмәткәрлзр үз куллары белән ясаган открытка һәм азык-төлек пакеты, белән Ринат Садыйк улын котладылар һәм бүләкләделәр.

           Ике көн элек, 8 нче июнь көнне, интернат-йортта, социаль хезмәткәрләр көнен бәйрәм итү уңаеннан, учреждение хезмәткәрләрен котлау һәм бүләкләү тантанасы булды. Бу истәлекле көнне коллективны котларга Саба муниципаль районы социаль яклау бүлеге җитәкчесе Хуҗин Марсель Мәгъфур улы һәм Лесхоз картлар һәм инвалидлар өчен интернат-йорты директоры Равилин Рөстәм Равил улы килде.

Лесхоз интернат-йортында хезмәт терапиясе буенча чаралар үткәрелде. Интернатның ярдәмче хуҗалыгы шактый зур. Яшәүчеләр зур теләк белән  уңыш җыюда катнаштылар. Парникларда иртә яздан чәчәкләр, яшелчә һәм беренче яшел тәмләткечләр үсентеләре үстерелә. Яшелчәчелек һәм чәчәк үстерү буенча барлык эшләргә интернатта яшәүчеләр җәлеп ителә. Барысы да бердәм һәм рәхәтләнеп эшлиләр, чөнки хезмәт терапиясе мөмкинлекләре чикләнгән кешеләргә үз әһәмиятен һәм кирәклеген тоярга мөмкинлек бирә.

Чараның максаты-бозылган хәрәкәт итү функцияләрен, хезмәт операцияләрен башкарганда эшкә сәләтлелек функцияләрен торгызу. Моның ярдәмендә мускуллар массасы, буыннарда хәрәкәтчәнлек торгызыла һәм яхшыра, кан әйләнеше нормалаша, организм үзенең кыскартылган мөмкинлекләрен куллануга яраклашатыра.

«Лесхоз картлар һәм инвалидлар йортында» дәүләт автоном социаль хезмәт күрсәтү учреждениесендә көн саен сәламәтләндерү чаралары – саф һавада дәвалау физкультурасы дәресләре үткәрелә. Гимнастика организмга  көн дәвамында уңай йогынты ясый.

24 апрельдән Лесхоз интернат-йорты үз-үзеңне изоляцияләү режимында эшли башлады. Бүгенге көнгә кадәр ике смена эшләде. 22 нче майдан өченче смена эшли башлаячак. Үз-үзеңне изоляцияләү вакытында барлык күңел ачу һәм спорт чаралары, дәресләр һәм хуҗалык эшләре үткәрелде.

Социаль эш буенча белгеч Л.Р. Вәлиева җитәкчелегендә Лесхоз картлар һәм инвалидлар интернат-йорты территориясен төзекләндерү буенча хезмәт терапиясе үткәрелде. Чараның максаты- социаль хезмәтләрдән файдаланучыларның бозылган функцияләрен торгызу һәм үстерү, үз-үзеңә хезмәт күрсәтү буенча компенсация күнекмәләрен формалаштыру, төрле социаль файдалы хезмәт операцияләрен үтәргә өйрәтү. Трудотерапия хәрәкәт итү функцияләрен коррекцияләргә, организмның гомуми физиологик параметрларын нормальләштерергә, йокыны, кәефне, аппетитны яхшыртырга ярдәм итә.

              Сезнең алда баш иябез, ветераннар! Җиңүгә 75 ел тулды. Безнең ил күптән яраларын дәвалады. Искергән җирләр арышларга күмелде. Җимерекләр өстендә матур заманча шәһәрләр күтәрелде.

               Кызганыч, быел барлык бәйрәм чаралары өйдә уза, куркынычсызлык шулай таләп итә. Ә бу өлкән яшьтәге кешеләргә кагылганда, бигрәк тә мөһим. Лесхоз картлар һәм инвалидлар интернат-йорты ветераннары өчен Бөек Ватан сугышында Җиңүнең 75 еллыгына багышланган бәйрәм котлаулары оештырылды. Учреждение директоры Р. Р. Равилин бүләкләр һәм медальләр, Россия Президенты В. В. Путинның, шулай ук Татарстан Республикасы Президенты Р. Н. Миңнехановның котлау открыткаларын һәм хатларын тапшырды.

              Узган ял көннәрендә Лесхоз интернат-йорты хезмәткәрләре кышкы чордан соң территорияне чистартуда актив катнаштылар. Язгы өмә үткәрү-совет чорыннан бирле сакланып калган күркәм традиция.

              Чара учреждение янындагы территорияне җыештыру белән башланып китте. Искиткеч һава торышы күтәренке кәеф һәм эшкә сәләтле булуга ярдәм итте. Барысы бергә территорияне чүп-чардан һәм коелган яфраклардан чистарттылар, агачлар һәм бордюралар агартылды.

              Өмә бик җанлы һәм актив узды. Үз хезмәтеңнең нәтиҗәсен күрү күңелле, һәркем бу эшкә үз җылысының бер өлешен кертте, ә интернат-йортның чиста, карап торылган территориясе күзләрне сөендерә.

24 нче апрельдән Лесхоз интернат-йорты консервация режимында эшли башлады. Шуңа да карамастан, учреждениенең планлы эше бара. 26 нчы апрель көнне «Картлык-шатлык» хәйрия фонды тарафыннан оештырылган «Братыня» фольклор этнография театрының хәйрия концерты күрсәтелде. Бу концерт яшәүчеләр өчен дә, хезмәткәрләр өчен дә саф һава кебек булды.

Бүген хезмәт буенча инструктор Аглямова  Л.И. җитәкчелегендә «Гарденотерапия» социаль тернәкләндерү технологиясе үткәрелде.Технологиянең үткәрү формасы индивидуаль. Яшь ботакларны үрчетү юлы белән бүлмә гөлләренең санын арттыру буенча эш алып барылды . Максатлары : өлкәннәргә үсемлекләр белән үзара  эшләү юлы аша психологик ярдәм күрсәтү.