ЯҢАЛЫКЛАР

    4 гыйнварда балалар белән кошлар өчен җимлекләр ясарга булдык. Ә без аларны Кыш Бабайдан алган бүләк тартмаларыннан ясадык.  Кыш аенда  кошларга ризык табу бик авыр.  Шуңа күрә без аларга булышабыз. Балалар зур тырышлык белән җимлекләр ясадылар. Җимлекләр бик матур килеп чыкты.

Һәр Яңа ел безнең приютка үзенең сихри яңалыгы белән килә. Быел да приют ишеген ачып керүгә сихер дөньясы үзенә җәлеп итте. Һәр кешене матур итеп бизәлгән чыршы каршы ала, чыршыдан утлар бөтен коридорга таралып җемелдәшәләр. Балалар, тәрбиячеләр тырышлыгы белән ясалган уенчыклар күз явын алып, сихри дөньяга өнди. Балалар төрледән-төрле карнавал костюмнарына киенеп чынбарлыкны әкияткә әверелдерәләр.

Бөтен хезмәткәрләр тырышлыгы белән әзерләнгән бәйрәм тамашасы балаларны сөендерде. Кыш бабай белән кар кызы алып килгән бүләкләр аларны дөньяда күңелле мизгелләрнең күбрәк булуына ышандырды.

28.12.2022 «Тургай» приютында Саба районы  социаль бүлеге начальнигы Гайнетдинова Лилия Нургаян кызы Яңа ел котлаулары һәм бүләкләре белән булды. Анын белэн бергэ, ТР Саба һәм Теләче районнары хәрби комиссариаты урынбасары Садыйков Айрат Камил улы, Саба районының "Юнармия" штабы начальнигы Вәлиуллин Дилүс Миндель улы; сугыш хәрәкәтләре ветераны Идрисов Илгизәр Миннебаевичта килде.

Яңа елда без барыбыз да могҗизаларга ышанабыз. Безнең алдыбызда тормышта тагын бер яңа бит ачыла. Без Яңа елга иң яхшы кәеф, иң изге теләкләр һәм якты хисләр белән керәбез. Яңа ел алдыннан без приютта тәрбияләнүчеләр белән фотозона оештырырга булдык.   Ул безнен бик матур килеп чыкты.

"Тургай" приютында тәрбияләнүчеләр һәм хезмәткәрләр "Яңа ел чыршысының иң яхшы бизәлеше"конкурсында катнашалар. Яна ел чыршысы һәм кар кисәкләре безнең приютны бизи. Алар безгә Яңа ел кәефе бирә. Барысын да яңа 2023 ел белән котлыйбыз.

17 декабрьдә безнең приютка РОО вәкилләре, Саба якташлары" килде.Остазлар мастер-класс барышында балаларны кул астындагы материаллардан яңа ел уенчыклары ясарга өйрәттелэр.Балалар үз куллары белән «Тылсымлы ай» ясадылар. Мастер-класс тәмамлангач, кунаклар барлык егет-кызларга төрле төстәге рюкзакларда Яңа ел бүләкләре тапшырдылар.

7 декабрьдә «Тургай» приютында "Йомшак уенчыклар"дигән традицион булмаган рәсем ясау ысулы буенча дәрес үткәрелде.Уенчыклар бик матур булып чыкты.Балалар үз куллары белән ясаган уенчыкларны күреп бик сөенделәр.

2022 елның 28 ноябреннән 5 декабренә кадәр Казанда белем бирү сменасы узды.Смена жиңүчеләрне бүләкләү тантанасы белән тәмамланды. «Тургай» приюты жинуче дипломы хэм акчалата грант отты.

Рәсем ясау-балалар өчен иң яраткан чараларның берсе. Приютта 3 декабрьдә "Кышкы уеннар" дигән рәсем конкурсы үткәрелде. Конкурста барлык балалар бик телэп катнашты.

25 ноябрьдә приютта "Әниләр көне" узды. Балалар җырлар җырладылар, биеделәр, әниләренә матур шигырьләр сөйләделәр. Чара ахырында үз куллары белән ясаган чәчәкләр булэк иттелэр.Бэйрэм бик кунелле утте.