ЯҢАЛЫКЛАР

26 майда Әгерҗе муниципаль районының «Ласка» приютында "һөнәри юнәлеш бирүне үстерү перспективалары, үстерүче һөнәри юнәлеш бирүче мохит булдыру" темасына республика семинары узды, Монда безнең приют директоры Асанова  Алина Кашиповна, хезмәт буенча инструктор Нәҗипов Раил Рәсихович, тәрбияче Башарова Рузилә Солтановна катнашты. Барлык приют белгечләре  эштә кирәкле белемнәре, күнекмәләре һәм осталыклары белән уртаклаштылар.

29 май көнне Теләче районынын "Туган авыл"  кафесында безнең иганәче Рифкать Шәфиков Татарстан Республикасы мөселманнарының республика очрашуын уздырды.

Мөселман дини оешмасы урта һөнәри белем бирү учреждениесе Ислам динен кабул итүнең 1000 еллыгы исемендәге Казан югары мөселман мәдрәсәсе һәм җитәкчесе хәзрәт Ильяс Җиһаншин үз шәкертләре белән килде. Балалар музейда экскурсиядә булдылар, зоопарк буйлап йөрделәр, яшьтәшләре белән аралаштылар.Экскурсиядән соң барлык кунаклар  бәйрәм өстәле артында очраштылар.

24 майда «Тургай» приютыннан балалар Чистайдагы «Раздолье» шифаханәсенә  ял итәргә киттеләр. Балалар күп санлы уеннарда, күңелле стартларда, иҗади конкурсларда катнашалар. "Раздолье" лагеренда үткәргән һәр көн эмоцияләр һәм тәэсирләр белән тулы.

   20 майда мәктәпкәчә яшьтәге балалар һәм шимбә көнне ял итүче балалар елгага походка киттеләр. Балалар йөрделәр, җирлекне тикшерделәр, елганы күзәттеләр, саф һавада уйнадылар. Балаларга поход бик ошады.

   18 майда Татарстан Республикасы социаль хезмәт күрсәтү учреждениелэре  арасында республика шахмат-шашка турниры узды. Анда безнең приют балалары да катнашты. Федорова Анастасия шашка буенча 1 урынны, Зәйниева Аделия шашка буенча 4 нче урынны, Карсаков Максим шахмат буенча 4 нче урынны, Галимов Фәнил шахмат буенча 5 нче урынны алдылар. Җиңүчеләрне  котлыйбыз! Алга таба да җиңүләр телибез!

Бүген Халыкара гаилә көне. Бу безнең һәрберебезгә кагылышлы иң якты бәйрәмнәрнең берсе. Гаилә-бүгенге җәмгыятьнең төп кыйммәте. Гаилә-димәк син ялгыз түгел.

15 майда безнең приютта гаилә көненә багышланган бәйрәм узды. Бәйрәмгә тәрбияләнүчеләрнең әти-әниләре чакырылган иде.

    Приютта "Гаилә - минем байлыгым" дигән темага  балаларның  рәсем  конкурслары  узды. Флористика программасы кысаларында балалар фотозона ясадылар. Фотозона бик матур килеп чыкты. Балалар мондый конкурсларда бик теләп катнашалар.

Бүген безнең тәрбияләнүчеләр Казан шәһәрендәге Союзмультпаркта булдылар.

 Иганәчеләребезгә, балаларыбыз өчен шундый күңелле ял оештырганнары өчен зур рәхмәт!

Бүген безнең балалар "Бизәкле перәннекләр" мастер-классында катнаштылар, һәм алар үзләренә кулинария шедеврын булдыру мөмкинлеге алдылар. Башта балаларга перәннекне ясау процессы һәм татлы глазурь составы турында сөйләделәр. Шуннан соң төркем рәсем остаханәсенә әверелә. Балалар зур энтузиазм белән эшне башладылар, аларның һәрберсе мөмкин кадәр матуррак һәм кызыклырак итеп үз перәннекләрен буярга тырышты.Перәннекләр искиткеч матур һәм тәмле булды.

Бүген безнең приютта тәрбияләнүчеләр гадәти булмаган экскурсиядә булдылар. Алар Казан шәһәрендәге Борис һәм Глеб чиркәвендә булдылар. Балалар гыйбадәтханәнең тарихын белделәр һәм чиркәүнең башка истәлекле урыннарын күрделәр. Балаларга бинаны һәм манараны карап чыгу гына түгел, ә шулай ук үзләрен кыңгыраучылар ролендә сынап карау өчен уникаль мөмкинлек бирелде. Экскурсия балаларда зур тәэсир калдырды.