ЯҢАЛЫКЛАР
Санитар-экологик икеайлык кысаларында Курсабаш авыл җирлегендәге оешма-предприятиеләрдә, шәхси хуҗалыкларда, урамнарда, чишмәләрдә тирә-якны чүпләрдән чистарту максатыннан өмәләр башланды. Җыештыру эшләрендә җирлек халкы зур теләк белдереп актив катнаша.
«Курсабаш» җәмгыятендә техник карау уздырылды.
Түбән Утар авылы клубында “Нәүрүз” милли бәйрәме оештырылды.
Курсабаш авыл җирлегеннән булган Бәшәров Фәннүр Шәйдула улы Иркутскта узган ветераннар арасында үткәрелүче җиңел атлетика буенча Рәсәй Чемпионатында 3 нче урынны яулады.
Су басу елның теләсә кайсы вакытында булырга мөмкин, ләкин яз көне кар катламының эрүе белән көчәя, ул күпкә зуррак тискәре нәтиҗәләргә китерергә сәләтле. Курсабаш авыл җирлегендә язгы ташуга әзерлек максатыннан су торбалары чистартылды, канаулар ачылды.
Курсабаш авыл җирлегеннән Бәшәров Фәннур Шәйдула улы, “Сезон ябылу”га багышланган чаңгы ярышында өченче урынны яулады.Котлыйбыз!
21 мартта Сүлә авыл клубы, Курсабаш авыл клубы һәм Курсабаш китапханәсе белгечләре белән берлектә, Нәүрүз бәйрәме уздырды.
Курсабаш авыл җирлеге бинасында, Татарстан Республикасы Дәүләт алкоголь инспекциясенең Арча территориаль органы хезмәткәре Р.Р. Фәрхуллин гражданнарны кабул итте.
Нәүрүз-кешелек тарихындагы иң борынгы бәйрәмнәрнең берсе. 17 март көнне "Нәүрүз" бәйрәмен үткәрү өчен Сүлә авыл клубы бүләкләр җыюны оештырдылар. "Дәрә җыю" –“ Нәүрүз” бәйрәме алдыннан оештырыла торган борынгы традиция. Балалар һәрбер өйгә кереп, матур теләкләр теләделәр, хуҗаларны сәламләделәр, бәйрәмгә чакырдылар. Хуҗалар үз чиратында балаларны күчтәнәчләр белән куандырды.
Россия Федерациясе президенты сайлаулары илнең сәяси тормышында иң мөһим вакыйгаларның берсе булып тора. Бу процесс җәмәгатьчелек тарафыннан зур игътибар һәм гражданнарның актив катнашуына бәйле. Тавыш бирү көнендә гражданнар сайлау участокларына килә, аларның шәхесен таныклый торган документ күрсәтә һәм кандидатлар исемнәре белән бюллетеньнәр ала. Аннары сайлаучылар программа һәм идеяләре, алар фикеренчә, ил мәнфәгатьләренә туры килә торган бер кандидатны сайлый. Курсабаш авыл җирлегендә дә халык үз сайлау участокларына килеп, сайлауларда актив катнашты.