ЯҢАЛЫКЛАР

Әниләр җир йөзендәге иң мәрхәмәтле, иң олы йөрәкле,иң шәфкатьле кешеләр алар. Сабый баланың иң беренче әйткән сүзе дә, авырлык килгәндә һәрберебезнең искә алган кешесе дә ул әни. Ноябрь аеның тагын бер матур бәйрәме ул- әниләр көне. “Әниемнең җылы кочагы” дип исемләнгән тематик кичәгә авылыбызның олы хөрмәткә лаек булган, балачаклары авыр сугыш елларына туры килеп бик күп авырлыклар кичергән әниләр һәм бүгенге көндә уллары армия сафларында һәм махсус хәрби операциядә булган әниләр чакырылды. Үзләре олы яшьтә булсалар да, әниләре турында матур хатирәләрен сөйләделәр катнашучылар. Бәйрәм кичәсе чәй табыны артында матур шигырьләр, бәйрәм котлаулары белән  үрелеп барды.

Бердәмлек көне — илебез тарихына хөрмәт белдерү һәм аның данлыклы традицияләрен дәвам иттерүнең бер күркәм билгесе. Төрле милләт, дин һәм төрле катлам вәкилләре - бер булып, уртак Ватаныбызда матур гомер итәләр. Шул уңайдан, 6 ноябрь көнне, Явлаштау мәдәният йортында, китапханә һәм Мишәбаш мәдәният йортлары белән берлектә, "Дуслар җыелган җирдә" исемле ял концерты оештырылды. Концертта Явлаштау авыл җирлегенең үзешчәннәре катнашты.

Каникул чорында балаларның ялын дөрес һәм кызыклы итеп оештыру максатыннан төрледән-төрле чаралар уздырыла. Шундыйлардан квест-уенны әйтергә була. Бу уен балаларда зур кызыксыну уятучы уеннардан санала. 2 ноябрь көнне Явлаштау авыл мәдәният йортында “Югалган капчык” дип исемләнгән квест-уен оештырылды. Уен Кыш бабайның мөрәҗәгате белән башланып китте. Ул киемнәре югалуы , тапкан кешегә күчтәнәчләре булуы турында хат язган иде, шул хат буенча балалар төрле сынауларны уңышлы эшләп, Кыш бабайның киемнәрен таптылар һәм күчтәнәчләрне бүлештеләр. Сынаулар арасында тизәйткечләр, мәкальләр әйтү, рәсем ясау, төрле халыкларның биюләрен тану, шалкан әкиятен сәхнәләштерү кебек кызыклы биремнәр бар иде.

3 ноябрь көнне Явлаштау авыл китапханәсендә “Китап - киңәшчең синең” дип исемләнгән китапханә дәресе уздырылды.Укучылар китапның безнең кулга килеп кергәнче үткән юлы,китапханә тарихы, кайткан яңа китаплар белән танышты,сорауларга жаваплар бирде. Китапны дөрес итеп куллану турында сөйләшкәннән соң, китап кыстыргычы ясау буенча мастер-класс күрсәтелде. Соңыннан балалар яңа китаплар алып өйләренә таралыштылар.

Бүген  4 ноябрь – Бердәмлек көне. Нәкъ менә шушы бердәмлек безнең илебезнең тынычлыгына, мөстәкыйльлегенә китергән. Безнең Республикабызда төрле милләт халыклары яши: татарлар, руслар, чувашлар, марилар, башкортлар һ.б. Барлык милләт кешеләре дә үзара дус яшиләр: бер-берләренә кунакка йөриләр, бергәләп күңел ачалар, бәйрәм итәләр. Шушы уңайдан, Явлаштау мәдәният йортында мәктәп яны лагерьрына йөрүче балалар белән "Бергә булыйк, бердәм булыйк, дуслыкның көче шунда" девизы астында чара үтте.  Дуслык, бер-береңә яхшы мөнәсәбәттә булу турында шигырьләр, әкиятләр укылды һәм дуслыкның көчен чагылдырган плакат ясалды. Чара китапханә белән берлектә оештырылды.

30 октябрь көнне Явлаштау авыл китапханәсендә “Шифалы шигырьләр остасы “ дип исемләнгән әдәби сәгать үткәрелде. Балалар белән Шәүкәт Галиевның тормыш юлы, ижаты белән танышып ,крассворд сорауларына жаваплар эзләнде,шагыйрьнең шигырьләрен кычкырып уку оештырылды. Соңыннан балалар өстәл уеннарында актив катнашты. 

29 октябрь көнне Явлаштау мәдәният йортында Комсомол оешуга 105 ел тулу уңаеннан "Хәтеремдә әле минем дә..." кичәсе булып үтте. Кичә барышында катнашучылар комсомол сафларында булган вакытларын искә алдылар, шул чор вакыйгалары белән уртаклаштылар, хәтирәләрен яңарттылар.

Милли традицияләребезне саклап калу, онытылган йола, гореф-гадәтләрне яңадан торгызу һәм яшь буынга җиткерү максатыннан, Милли мәдәниятләр һәм гореф гадәтләр елы уңаеннан, районыбыз башлыгы Минниханов Рәис Нургалиевич Саба муниципаль районы оешмалары һәм авыл җирлекләре арасында "Милләт яме - йола, бәйрәмнәрдә!" фестиваль-конкурсын игълан итте. 28нче октябрь көнне Икшермә мәдәният йортында  дүртенче зона этабы булып узды, Явлаштау авыл җирлеге «Каз өмәсе» йоласын күрсәтте.

Элек электән  һәр милләт үз җирлегендә барлыкка килеп, буыннан буынга күчеп килуче гореф- гадәтләрне сакларга омтылган. Соңгы елларда халкыбызның йолаларын, гореф-гадәтләрен,бәйрәмнәрен искә төшерү, яңадан торгызуга зур игътибар бирелә. 2023 ел Татарстанда Милли мәдәниятләр елы дип игълан ителгән иде. Шул уңайдан Явлаштау мәдәният йорты, китапханә һәм Мишәбаш мәдәният  йорты хезмәткәрләре Сабирова Рәгыйдәләр хуҗалыгында “Каз өмәсе” йоласы уздырдылар.

11 октябрь көнне Явлаштау мәдәният йорты сәхнәсендә "Җырланасы  җырлар алда әле" дип исемләнгән Ринат Шамиловның иҗат кичәсе булып узды. Юбилярны котлап бик күп җитәкчеләр, дуслары, туганнары, балалары, “Саба чишмәләре” коллективы узешчәннәре чыгыш ясады. Саба район мәдәният бүлеге җитәкчесе Загидуллин Рөстәм Фидәил улы Шамилов Ринатка мәдәнияттәге казанышлары өчен “Күкрәк билгесе” тапшырды. Ринат абыйга алга таба да иҗади унышлар телибез.