ЯҢАЛЫКЛАР
Явлаштау авыл җирлегендә Сабантуй бәйрәме 12 июнь көнне Явлаштау авыл җирлегендә татар халкының милли бәйрәме-Сабан туе булып узды. Бәйрәм Явлаштау урта мәктәбе укучылары әзерләгән пролог белән башланып китте. Бәйрәмне авыл җирлеге башлыгы Нуриев Р.Х. ачып җибәрде,район башлыгы исеменнән котлау сүзләре белән Башкарма комитет җитәкчесенең икътисад буенча урынбасары Баһманов М.М чыгыш ясады, шулай ук барлык халыкны «Саба» җаваплылыгы чикләнгән җәмгыятенең «Явлаштау» бригадасы идарәчесе Мөхетдинов А. Р. котлады. Бәйрәмдә Казаннан профессиональ артистлар: Татарстанның халык артисты Салават Фәтхетдинов, «Сэйдэш»бию торкеме, Динара Рәхимова, «Ямьле»төркеме,Лэйна һәм Эльвира Фазлиева чыгыш ясады. Бәйрәмне Татарстанның атказанган артисткасы Гөлназ Сәфәрова, Рәдиф Әхмәдиев һәм татар радиосы алып баручысы Байбулат алып барды. Бәйрәм бик яхшы концерт программасы , кызыклы уеннар һәм бик яхшы бүләкләр белән бер сулышта узды.
Татарстанда Цифрлаштыру елы кысаларында Ак барс Банкы Явлаштау урта мәктәбенең 12 укытучысына ноутбуклар тапшырды.
24 май көнне Явлаштау урта мәктәбенең чыгарылыш класс укучылары өчен соңгы кыңгырау чылтырады. Укучыларны мәктәп дирекциясе, килгән кунаклар, әти-әниләр котлады һәм бердәм дәүләт имтиханнарын уңышлы тапшыруларын теләделәр
Мишәбаш авылында АПК белгеченә 80х20 программасы буенча торак йорт төзелеше башланды.
Санитар-экологик икеайлык кысаларында җирлек бюджет учреждениеләре белән берлектә агачлар утыртылды.
Бөек Ватан сугышында Җиңүнең 77 еллыгы уңаеннан Саба муниципаль районы Башкарма комитеты җитәкчесенең Инвестиция үсеше һәм эшмәкәрлеккә ярдәм итү буенча урынбасары Котдусов Илнур Илдус улы һәм җирлек башлыгы Нуриев Ренат Хәмит улы Явлаштау авыл җирлегендә яшәүче тыл ветераннарын котладылар. Аларга ТР Президенты һәм Саба муниципаль районы Башлыгы исеменнән котлау открыткалары һәм күчтәнәчләр тапшырылды.
Явлаштау һәм Мишәбаш авыллары зиратларында май бәйрәмнәрендә өмәләр оештырылды
8 май көнне Мишәбаш авылында Бөек Ватан сугышы ветераннары хөрмәтенә агачлар утыртылды.
Явлаштау авыл җирлеге бюджет учреждениеләре җитәкчеләре "Хәтер бакчасы" акциясенә кушылдылар һәм агачлар утырттылар .
8 май көнне Мишәбаш авылы халкы,мәдәният йорты хезмәткәрләре,балалар бакчасы хезмәткәрләре һәм тәрбияләнүчеләре Җиңүнең 77 еллыгы уңаеннан тантаналы митинг үткәрделәр.