ЯҢАЛЫКЛАР
30 май көнне Шекше авыл җирлегенең Алан-Елга авылында Сабантуйга бүләкләр җыю булды. Авыл халкы бу көнне дулкынланып көтә, бүләкләр, яраткан ризыкларын пешерә, өстәлләр әзерли. Алан-Елга авылында бу йола «Игенче» ҖЧҖ, мәгариф, мәдәният һәм башка тармак хезмәткәрләре катнашында үткәрелә, шулай ук эшмәкәрләр дә халык бәйрәмен оештыруда ярдәм итәләр. Быел да бу йола матур һәм мавыктыргыч итеп, Бөек Ватан сугышында Җиңүнең 80 еллыгын яктыртып үткәрелде. Автомобильләр әзерләнгән һәм бизәлгән, аларны хәрби формаларда катнашучылар һәм яшь армиячеләр озата барды. Балачагы авыр сугыш һәм сугыштан соңгы елларда үткән ике тыл хезмәтчәненә һәм 9 авыл кешесенә аерым хөрмәт күрсәтелгән Зарипов А.З. аларның һәркайсына күчтәнәч тапшырды. Кич буе Алан-Елга урамнарында бәйрәм рухы хөкем сөрде, гармун яңгырады.
30 май көнне Шекше авыл җирлегенең Шекше авылында Сабантуйга бүләкләр җыю йоласы булып узды. Авыл халкы бу көнне дулкынланып көтә, бүләкләр, яраткан ризыкларын алдан әзерли, өстәлләр әзерли, күргәзмәләр ясый. Шекше авылында бу йола «Игенче» ҖЧҖ, мәгариф, мәдәният һәм башка тармак хезмәткәрләре катнашында үткәрелә, шулай ук эшмәкәрләр дә халык бәйрәмен оештыруда ярдәм итәләр. Быел да бу йола матур һәм мавыктыргыч итеп, Бөек Ватан сугышында Җиңүнең 80 еллыгын яктыртып үткәрелде. Автомобильләр әзерләнгән һәм бизәлгән, аларны хәрби формаларда катнашучылар һәм яшь армиячеләр озата барды. Балачагы авыр сугыш һәм сугыштан соңгы елларда үткән 14 авыл кешесенә А.З. Зарипов һәркайсына күчтәнәч тапшырды. Шекше авылының Кооператив урамында яшәүчеләр бай тематик күргәзмә әзерләгәннәр, материаллар белән таныштырдылар, Бөек Ватан сугышын кичергән әти-әниләре, әби-бабайлары турында сөйләделәр, авылыбыз геройларына багышланган җырлар җырладылар. Кич буе Шекше авылы урамнарында бәйрәм рухы хөкем сөрде, гармун тавышы чыңлады, җырлар яңгырады, халык көйләренә дәртле биюләр, сыйлар һәм, әлбәттә, бүләкләр булды.
Шекше төп мәктәбендә “Соңгы кынгырау” бәйрәме
17 май көнне Шекше авылында Ватанны саклаучылар елына багышлап һәм яңа спорт мәйданчыгы ачылу уңаеннан, спорт һәм күңел ачу чарасы булды. Чарада Шекше зонасы командалары арасында волейбол уеннары һәм балалар катнашында берсеннән-берсе күңелле уен-ярышлар уздырылды. Ризык белән сыйлану зонасы эшләде, балалар өчен кәнфит чәчү, кич белән дискотека булды. Волейбол уенында 1 урынны Сатыш авыл җирлеге командасы, 2 урынны Тимершык авыл җирлеге командасы, 3 урынны Шекше авыл җирлеге командасы яулады. Чара “Яшьлек” Яшьләр үзәге, Шекше авыл җирлеге мәдәният хезмәткәрләре белән берлектә оештырылды.
Шекше авыл җирлеге Җиңү көне уңаеннан оештырылган парадта катнашты
Шекше авыл җирлегендә Бөтенроссия Хәтер бакчасы акциясе
8 май көнне Шекше авыл җирлеге башлыгы Хәйртдинов Р.Р., Саба районы хакимияте вәкиле Йосыпов Р.Ш. һәм мәдәният хезмәткәрләре “Җиңү фонарьлары” дигән патриотик чара оештырдылар. Авыр сугыш һәм сугыштан соңгы елларда балачагы һәм яшүсмер еллары узган тыл ветераннарының өйләрендә булдылар. Тыл ветераннарына рәхмәт сүзләрен җиткерделәр, Татарстан Республикасы Рәисе Р.Н.Миңнехановтан бүләкләр һәм котлау открыткасын тапшырдылар.
8 май көнне Шекше мәдәният йортында Бөек Ватан сугышында Җиңүнең 80 еллыгына багышланган тантаналы концерт-митинг булды. Чарада Саба районы хакимияте вәкиле Якупов Р.Ш. һәм Шекше җирлеге башлыгы Хәйртдинов Р.Р. чыгыш ясадылар. Шекше төп мәктәбе укучылары, тынычлык һәм дуслык темасына багышланган патриотик музыкаль һәм хореографик композицияләр башкардылар. Концерт вакытында фронттан әйләнеп кайтмаганнарны искә алу йөзеннән бер минут тынлык игълан ителде. Концерт программасы тәмамланганнан соң, чарада катнашучылар авыл үзәгендә урнашкан стелла янына юнәлделәр. Җирлек халкы, Шекше авыл җирлеге учреждениеләре җитәкчеләре һәм кунаклар тыныч киләчәк өчен гомерләрен биргәннәргә хөрмәт һәм рәхмәт йөзеннән чәчәкләр салдылар.
Бөек Ватан сугышында Җиңүнең 80 еллыгы алдыннан Шекше авыл җирлегендә "Георгий тасмасы" патриотик акциясе узды, анда Шекше төп мәктәбе укучылары һәм Бөек Ватан сугышы ветераннарының туганнары катнашты.
Алан-Елга авылында яшәүче Фазылов Рәмис Мисбах улы Казан марафонында катнашты