ЯҢАЛЫКЛАР
Кече Кибәче авылында 2020 елга үзара салым акчасын җыю һәм аны Кече Кибәчедә Бөек Ватан сугышы ветераннары һәйкәлен төзеп бетерүгә тоту буенча гражданнар җыены булып узды. Соңыннан Теләче районы Әбде авыл җирлеге үзешчәннәре һәм җирле үзешчәннәр тарафыннан Бердәмлек көненә карата концерт куелды.
Төбәк авылында үзара салым хисабына чишмә төзекләндерү эшләре тәмамланды.
Олы Кибәче урта мәктәбенең ата-аналар комитеты "Тату сыйныф серләре" конкурсының зона этабында катнаштылар. "Иҗади гаилә" номинациясендә Шәриповлар гаиләсе уңышлы чыгыш ясап кайтты.
Олы Кибәче авыл җирлегендә биләмәне тәртипкә китерү эшләре бара, торак пункт тирәләрендәге корган агачлар кисеп яндырыла.
Олы Кибәче авыл җирлегендә үзара салым акчасы хисабына төзекләндерү эшләре дәвам итә. Олы Кибәче авылында яңа зират биләмәсен коймалап алу, шулай ук урам юлларын ремонтлау эшләре бара.
Бүген Олы Кибәче авыл җирлегендә Өлкәннәр көне билгеләп үтелде. Барлык бюджет учреждениеләрендә бәйрәм чаралары һәм мул табын артында чәй эчүләр оештырылды.
21 сентябрь көнне Олы Кибәче авыл җирлегендә "Милләтләр кроссы-2019", "Татарстан кроссы-2019" ярышы булып узды. Йөгерештә мәктәпкәчә яшьтәге балалар, мәктәп укучылары, бюджет учреждениеләре җитәкчеләре һәм эшчеләре катнашты. Җиңүчеләр мактау грамоталары белән бүләкләнде.
01.09- 30.09.2019 аралыгында "Экстремизмга -юк!" айлыгы бара. Шул уңайдан,бирелгән темага карата балалар белән төрле әңгәмәләр, плакатлар ясау конкурслары уздырыла.
14 сентябрь көнне Олы Кибәче авыл җирлегендә Урман көне акциясе булып узды. Барлык бюджет учреждениеләре хезмәткәрләре, укучылар, балалар бакчасына йөрүчеләр акциядә актив катнаштылар. Җирлек территориясенә төрле төрдәге 76 төп агач утыртылды.
8 сентябрь көнне Олы Кибәче авыл җирлегенең 2 сайлау участогында ТР Дәүләт Советына депутатлар сайлау булып узды. Сайлауда халык актив катнашты. Төрле партияләрдән күзәтүчеләр сайлау барышының дөреслеген күзәтеп утырды.