ЯҢАЛЫКЛАР

16 апрель көнне Олы Кибәче авыл җирлегендә бюджет оешмалары эшчеләре һәм урта мәктәп укучылары биләмәне чүп-чардан җыештыру буенча өмәгә чыктылар.

5 апрель көнне Олы Кибәче авыл китапханәсе мөдире булып озак еллар эшләгән Рәзимә Газизовага 70 яшь тулды. Шул уңайдан, "Китаплы күңел-үтелгән гомер" дип исемләнгән юбилей кичәсе оештырылды. Юбилярны гомер бәйрәме белән котларга җитәкчеләр, балалары, туганнары, элеккеге хезмәттәшләре җыелган иде. 

Төбәк авылында яшәүче Корбанова Әминә Бәдри кызына 90 яшь тулды. Юбилярны РФ Президенты В.В. Путин, район, республика җитәкчеләре исеменнән авыл җирлеге башлыгы А.К. Сафин котлады һәм бүләкләр тапшырды.

Олы Кибәче авыл җирлегендә авыл җирлеге кубогына хатын-кызлар арасында волейбол ярышы булып узды. Ярышта 4 команда катнашты. Кубокка студент кызлар командасы ия булды.

26 февраль көнне Олы Кибәче авыл җирлегендә "Ватанны саклаучылар" көненә багышлап, ир-егетләр арасында, җирлекнең Күчмә кубогына мини-футбол ярышы узды. Ярышта барлыгы 6 команда катнашты. Кубокка Кече Кибәче егетләре командасы ия булды.

19 февраль көнне Олы Кибәче авыл җирлеге кубогына "Әфганчылар көне"нә багышланган, ир-егет командалары арасында волейбол ярышы оештырылды.

12 февраль көнне Олы Кибәче авыл җирлеге дә "Россия чаңгы юллары-2022" һәм "Татарстан чаңгы юллары-2022" массакүләм чаңгы марафонына кушылды. Ярышта балалар бакчасына йөрүче балалар, укучылар, җирлекҗәге бюджет оешмалары эшчеләре һәм җитәкчеләр катнашты. Җиңүчеләр мактау грамоталары һәм медальләр белән бүләкләнде.

9 февраль көнне Олы Кибәче урта гомум белем бирү мәктәбендә парламент дәресе булып узды. Анда авыл җирлеге башлыгы А.К.Сафин Татарстан Республикасы Парламенты, республикабыз җитәкчеләре һәм лидерлары турында чыгыш ясады, югары сыйныф укучыларын сәяси тормыш белән кыскача таныштырып үтте.

4 февраль көнне Төбәк авыл клубында "Саба" ҖЧҖ Кибәче бригадасының отчет җыелышы булды. Җыелышта Кибәче бригадасында эшләүче белгечләр, җитәкчеләр еллык нәтиҗәләргә йомгак ясап чыгыш ясады. Ахырдан юбилярларны котладылар.

31 январь көнне Олы Кибәче авыл җирлегендә гражданнар җыелышы булып узды. Көн тәртибенә куелган мәсәләләр буенча Олы Кибәче авыл җирлегендә урнашкан бюджет оешмалары җитәкчеләре һәм авыл җирлеге башлыгы Сафин А.К. 2021 елгы эшчәнлекләре буенча, участок вәкаләтлесе Сәхәбиев А.А. 2021 елда җирлек буенча кылынган җинаятьләр һәм хокук бозулар, аларны кисәтү, булдырмау чаралары турында, Саба һәм Теләче районнары буенча янгын күзәтчелеге бүлеге җитәкчесе Галимуллин А.Р. һәм башкалар чыгыш ясады.