ЯҢАЛЫКЛАР
Кече Кибәче авылында үзара салым акчасына яңа янгын гидрантлары урнаштыру уңышлы төгәлләнде. Бу мөһим вакыйга янгын куркынычсызлыгы дәрәҗәсен һәм халыкның гадәттән тыш хәлләргә әзерлеген арттыруга юнәлдерелгән.
Гидрантлар урнаштыру торак пунктларда инфраструктураны яхшырту һәм иминлекне тәэмин итү программасы кысаларында башкарылган. Авыл халкының инициативасы һәм актив катнашуы нәтиҗәсендә заманча җиһазлар сатып алуга һәм монтажлауга тотылган өстәмә акчалар җәлеп ителде.
"Без халкыбызга ярдәмнәре һәм куркынычсызлык мәсьәләләренә җаваплы караулары өчен рәхмәтле. Яңа гидрантлар мөмкин булган янгыннарга оператив җавап бирергә һәм кешеләрнең гомере һәм сәламәтлеге өчен куркынычларны киметергә ярдәм итәчәк", - дип билгеләп үтте авыл җирлеге башлыгы.
Авыл халкы шулай ук башкарылган эш нәтиҗәләреннән канәгать булуларын белдерде һәм җәмәгать иминлеге мәсьәләләрендә уртак тырышлыкның мөһимлеген ассызыклады.
Олы Кибәче авыл җирлеге «Милләт кроссы — 2025» һәм «Татарстан кроссы-2025» кебек мөһим спорт чараларын уздыру турында горурлык белән хәбәр итә. Әлеге ярышлар барлык катнашучылар һәм тамашачылар өчен чын спорт һәм сәламәтлек бәйрәменә әверелде.
"Милләт кроссы" һәм "Татарстан кроссы" — төрле яшьтәге һәм әзерлек дәрәҗәсендәге кешеләрне берләштерә торган ел саен үткәрелүче массакүләм йөгереш. Алар безнең төбәктә сәламәт яшәү рәвешен популярлаштыруга һәм спорт рухын ныгытуга ярдәм итә.
Оештыручылар барлык катнашучыларга энтузиазм һәм активлык күрсәткәннәре өчен рәхмәт белдерәләр, шулай ук чараларны үткәрүдә ярдәм иткәннәре өчен аерым рәхмәт белдерәләр.
19 сентябрь көнне Олы Кибәче авыл җирлегенең административ бинасында бишенче чакырылыш депутатларның беренче утырышы булды. Көн тәртибенә түбәндәге сораулар куелды:
1. Олы Кибәче авыл җирлеге Советына депутатлар сайлауда тавыш бирү йомгаклары турында.
2. Олы Кибәче авыл җирлеге башлыгын сайлау.
3. Олы Кибәче авыл җирлеге башлыгы урынбасарын сайлау.
4. Олы Кибәче авыл җирлегеннән Саба муниципаль районы Советына вәкил сайлау.
5.Олы Кибәче авыл җирлегенең даими комиссияләре турында.
Депутатларга тавыш бирү нәтиҗәләре белән Башкарма комитет секретаре Р.Р. Хөсәенова таныштырды. Аннары яшерен тавыш бирү юлы белән җирлек башлыгын сайладылар. Олы Кибәче авыл җирлеге башлыгы Сафин А.К. бертавыштан сайланды. Ачык тавыш бирү юлы белән башлык урынбасары В.А. Ибушевны сайладылар. Яшерен тавыш бирү юлы белән Г. Р. Фатихованы Саба районы Советына вәкил итеп сайладылар. Соңыннан бюджетлар, салымнар, финанслар буенча даими комиссияләр һәм экология һәм җирдән файдалану буенча комиссияләр төзелде.
Олы Кибәче урта гомумбелем бирү мәктәбе укучылары, укытучылары, 17 сентябрь көнне Махсус хәрби операцияда катнашучыларга ярдәм йөзеннән "Көзге ярминкә" оештырдылар. Ярминкәдә укучылар һәм әти- әниләр көче белән әзерләнгән тәм- томнар сатылды. Шулай ук, сатуда чәчәк үсентеләре, орлыклар һәм көзге уңыш тәкъдим ителде. МХО ярдәм итәргә теләге булган кешеләр өчен махсус ящик та куелган иде.
Олы Кибәче авыл җирлегенә авылдашыбыз, шәхси эшмәкәр Шафиков Рифкат абый җитәкчелегендә Кукмара районыннан муллалар һәм мөслимәләр делегациясе килде. Аларны мәдәният хезмәткәрләре ипи-тоз белән авыл капкасы янында каршы алганнан соң, делегация Олы Кибәче авылы булачак урынга барды, иң беренче авылга килеп урнашкан Юдәй каберлеген зиярәт кылдылар. Олы Кибәче авылы мәчетендә өйлә намазы укып, мичтә пешкән кайнар коймак һәм чәй белән сыйланганнан соң , Теләче районында урнашкан "Туган авыл" музей-комплексына юл тоттылар.
14 сентябрь көнне Татарстан Республикасында Татарстан Республикасы Рәисен һәм җирле үзидарәләр депутатларын сайлаулар көне иде. Олы Кибәче авыл җирлегендә бу көнне 2 участок сайлау комиссиясе эшләде. Җирлек халкы сайлауларда актив катнашты. Сайлаучыларны кайнар чәй һәм коймак белән сыйладылар. Шулай ук аларга браслетлар өләшенде. Сайлаучылар айфон һәм машина оту уенында катнашу өчен фотоларга төшеп аларны социаль челтәрләрдә урнаштырдылар.
Җирле әһәмияттәге юлларның торышы авыл халкы өчен мөһим роль уйный. Шуңа күрә ел саен юлларны төзекләндерүгә бюджеттан күләмле суммалар билгеләнә. Шул уңайдан Олы Кибәче авылының Гагарин урамына җирле әһәмияттәге юлга 440 метр озынлыкта асфальт җәелде. Хәзер бу урам кешеләре рәхәтләнеп, яхшы сыйфатлы юлдан йөриләр.
Олы Кибәче авыл җирлегендә Саба районы прокуроры юстиция киңәшчесе Р.Н. Шәймәрданов гражданнарны кабул итте. Прокурорга үз сораулары белән 4 граждан килде. Алар прокурорга үзләрен борчыган сорауларны бирделәр һәм сорауларына җавап яки сорау буенча киңәшләр алдылар.
1 сентябрь көнне илебез Белем бәйрәмен билгеләп үтә. Бу көнне барлык уку йортларында яңа уку елы башлана. 2025-2026 нчы уку елында Олы Кибәче урта гомумбелем бирү мәктәбендә 68 укучы белем алачак. Быел 1 нче класска укырга 4 бала керде. Мәктәбебезнең барлык укучыларына да тырышып укуларын, ә укытучыларга авыр хезмәтләрендә уңышлар телибез!
Олы Кибәче авыл клубында Олы Кибәче авыл җирлеге гражданнары җыелышы булды. Көн тәртибенә түбәндәге сораулар куелды:
1. Олы Кибәче авыл җирлегенең 5 еллык эшчәнлегенә күзәтү.
2. Гражданнарның сораулары.
3.Район җитәкчелегенең йомгаклау сүзе.
Беренче көн тәртибе буенча җирлек башлыгы А.К. Сафин чыгыш ясады. Ул халыкны җирлекнең узган биш еллык эшчәнлеге белән демонстратив рәвештә таныштырды. Аннары җирлек гражданнары тарафыннан сораулар бирелде. Җыелыш азагында Саба муниципаль районы башлыгы урынбасары Р.Р. Закирҗанов үзенең йомгаклау сүзен әйтте. Ул халыкка җирлек хакына намуслы хезмәтләре өчен рәхмәт белдерде, киләчәк бәйрәмнәр белән котлады һәм ТР Рәисе сайлауларында һәм муниципаль сайлауларда актив катнашырга өндәде. Ә күпфатирлы йортта яшәүче Рамил Гатиятовка "Безнең ишегалды "программасын гамәлгә ашыруда актив катнашканы һәм өлеш керткәне өчен ТР Рәисе Р. Н. Миңнеханов исеменнән Рәхмәт хаты тапшырылды.