ЯҢАЛЫКЛАР

2 февраль көнне Сталинград сугышында җиңү көне билгеләп үтелә. Быел бу вакыйгага 80 ел. Шул уңайдан Олы Кибәче авыл җирлеге башлыгы А.К. Сафин, Олы Кибәче урта мәктәбенең педагог-оештыручысы Ә.Ә. Нигмәтҗанова һәм мәктәпнең яшь армиячеләре, Төбәк авылында яшәүче, Саба районының исән калган бердән-бер сугыш ветераны, Сталинград сугышында катнашкан Әлмиев Хаҗиәхмәт Галиәхмәт улы янында очрашуда булдылар.

31 январь көнне Олы Кибәче авыл җирлегендә гражданнарның еллык хисап җыелышы булды. 2022 елдагы эшчәнлек нәтиҗәләре буенча җирлектәге учреждение җитәкчеләре, авыл җирлеге башлыгы һәм районның башка тармак җитәкчеләре чыгыш ясады.

Кече Кибәче клубында эчке һәм тышкы якта кечкенә ремонт эшләре башкарылды.

Олы Кибәче урта мәктәбенең югары сыйныф укучылары "Нарат" боз сараена тимераякта ирекле шууга бардылар.

Кече Кибәче авыл клубының түбәсен ремонтлау башланды.

Төбәк авыл клубында искечә Яңа елны бәйрәм иттеләр.

Олы Кибәче авыл җирлегендә мобилизованныйлар өчен 10 мич әзерләнде һәм Украинага озатылды.

Шушы көннәрдә Олы Кибәче авылында яшәүче Сабирова Гөлзифа Гаделша кызы үзенең 90 яшьлек юбилеен билгеләп үтте. Юбилярны район җитәкчеләре исеменнән җирлек башлыгы А.К.Сафин һәм ҖЧ "Саба" җәмгыятенең Сатыш филиалы җитәкчесе Р.Р. Шәймәрдәнов котлады һәм бүләкләр тапшырды.

29 декабрь көнне Олы Кибәче урта мәктәбендә югары сыйныф укучылары өчен Чыршы бәйрәме булды. Укучылар тамашачыларны төрле кызыклы номерлар белән күңел ачтырдылар. Бөтенроссия һәм республикакүләм олимпиадаларының район турында җиңүчеләрне, аларның әти-әниләрен һәм укытучыларын котладылар, грамоталар һәм рәхмәт хатлары тапшырылды, акчалата премияләр бирелде. Ә акчалата премияләр спонсоры безнең авылдашыбыз Шәфиков Рифкат Зиятдин улы булды.

Олы Кибәче балалар бакчасында Яңа ел бәйрәме булды. Балаларны бәйрәм белән котларга клоуннар һәм төрле җәнлекләр килгән иде, ә Кыш бабай белән Кар кызы тәмле күчтәнәчләр өләште.