ЯҢАЛЫКЛАР
Халыкара Өлкәннәр көне уңаеннан Төбәк авыл клубында бәйрәм чарасы оештырылды. Төбәк авылының төрле тармак пенсионерлары чәй табыны артында концерт номерлары карап ял иттеләр.
Кече Кибәче авыл клубында өлкәннәр хөрмәтенә бәйрәм чарасы оештырылды. Үзешчән сәнгатьтә катнашучы артистлар концерт номерлары белән чыгыш ясадылар. Соңыннан бәйрәм чәй табыны артында дәвам итте.
Лесхоз картлар йортында Олы Кибәче авыл җирлегеннән Шәймәрданов Зөфәр Батыр улы яши. Халыкара өлкәннәр көне уңаеннан авыл җирлеге башлыгы А.К. Сафин аның янында булды һәм азык-төлек белән пакет тапшырды.
Халыкара Өлкәннәр көнендә алтын һәм зөбәрҗәт парлар тәбрикләнә. Олы Кибәче авыл җирлегендә алтын парлар- Хәбибуллин Шәмгун һәм Рәйхана, зөбәрҗәт парлар Шәйхеразиев Рәфикҗан һәм Фирдәүс яши. Аларны шушы күркәм даталары белән котлыйбыз. Аларга сәламәтлек, бәхет һәм мул тормыш телибез!
1 октябрь көнне һәр елны Халыкара өлкәннәр көне билгеләп үтелә. Шул уңайдан Олы Кибәче авыл җирлеге башлыгы А.К. Сафин Олы Кибәче авыл җирлегенең җирле үзидарә органнарында эшләп чыккан пенсионерларга, эш урыны беткән, күчеп кайткан һәм төрле категория инвалид пенсионерларга акчалы конвертлар өләште һәм бәйрәм белән котлады. Өлкәннәргә бүләкләр Саба районы "Кайгырту" фондыннан бүленде.
Бу ялларда Олы Кибәче авыл җирлегендә пай җиренә икмәк бирелде. Олы һәм Кече Кибәче авылларында яшәүче пайчыларга 1 пайга 130 кг арпа һәм 124 кг бодай, ә Төбәк авылы пайчыларына 150 кг арпа һәм 153 кг бодай бирелде.
Олы Кибәче авыл җирлегендә мәдәният хезмәткәрләре Алмаз Хөснетдинов белән Гөлүсә Фатихова "Бәрәңге бәйрәме" оештырдылар. Бәйрәмдә бәрәңге ризыкларыннан һәм төрле кызыклы формадагы бәрәңгеләрдән күргәзмә оештырылган иде. Бәйрәмдә катнашучылар төрле кызыклы уеннар уйнадылар, викторинада катнаштылар, чара концерт номерлары белән үрелеп барды. Соңыннан бәрәңге ризыклары белән сыйландылар.
Олы Кибәче авылы мәчетендә Мөхәммәд пәйгәмбәребезнең туган көненә багышлап Мәүлид бәйрәме уздырылды. Мөслимәләребез Коръән аятьләре укыдылар, пәйгәмбәребезгә салаватлар әйттеләр, вәгазьләр тыңладылар, илгә иминлек, муллык сорап дога кылдылар. Соңыннан чәй табынында сыйландылар.
Кече Кибәче авылы зиратында хатын-кызлар өмә оештырды. Алар зират коймасын буядылар.
Узган ялларда Кече Кибәче авылы зиратында өмә оештырылды. Зират биләмәсен чүп үләннәреннән, корган чыбык-чабыктан һәм чүп-чардан чистарттылар.