ЯҢАЛЫКЛАР

   Олы Нырты мәдәният йорты хезмәткәрләре, балалар белән бергә, Кукмара районының Ятмас – Дусай авылында урнашкан “ Күз” чишмәсенә сәяхәткә бардылар. Шундый матур табигатьле урында урнашкан чишмәнең суын балалар эчеп  карадылар, үзләре белән дә алдылар. Үзенең шифалы суы белән дан тоткан “ Күз” чишмәсе янында балалар рәхәтләнеп ял иттеләр.

Олы Нырты авыл җирлеге мәдәният хезмәткәрләре "Гаилә, мәхәббәт һәм тугрылык көне" уңаеннан «Миләшкәй» балалар бакчасында тәрбияләнүчеләр өчен «яраткан һәм туганнар белән» - рәсем конкурсы үткәрделәр. Һәр бала үз гаиләсен - әтисен, әнисен, әбисен, бабасын, абыйсын, апасын шатланып ясаган. Шулай ук «Ныклы гаилә –көчле Россия» проекты кысаларында күп балалы Зыятдиновлар һәм Кузницовлар гаиләләрендә булдылар. Аларны бәйрәм белән котладылар, гаилә бәхете һәм иминлек теләделәр. Шулай ук һәр баланың яраткан гаиләсе булуын да телисе килә.

Олы Нырты авыл җирлегендәге учреждение җитәкчеләре һәм балалар "Хәтер шәме" бөтенхалык акциясенә кушылдылар. Батырланы бер минутлык тынлык белән искә алдылар һәм һәйкәлләргә чәчәкләр салдылар.

12 июнь көнне Олы Нырты авыл җирлегендә милли бәйрәм "Сабантуй-2022" булып узды.

   Һәр елны җәйнең беренче көнендә зур бәйрәм – Балаларны яклау көне билгеләп үтелә. Халыкара балаларны яклау көне-ул күңел ачу, көлү, җырлар, бүләкләр һәм күңел ачу. Олы Нырты авыл мәдәният йорты хезмәткәрләре «Кояшкай» мәктәп лагере каршында балалар өчен «Ваемсыз балачак» дип исемләнгән балалар сабантуе оештырдылар. 

     Пионерлар оешмасының 100 ел туу уңаеннан Олы Нырты авыл мәдәният  хезмәткәрләре "Пионериягә сәяхәт" дип исемләнгән танып-белү сәгате үткәрделәр. «Пионер үткәне» күргәзмәсе оештырылды. Гомәрова Рәхилә пионер оешмасы тарихы, пионер атрибутлары, пионерларның хезмәт һәм сугышчан батырлыклары турында сөйләде. Шулай ук ул үзенең мәктәп еллары, пионер отрядлары, ул чактагы активистларның игелекле эшләре турындада сөйләде.

      Олы Нырты авыл җирлегенең  мәдәният хезмәткәрләре,  Сабаның  Үзэк мәйданында узган " Гармун сере" куңел ачу чарасында катнаштылар.  

     8 май көнне   Завод - Нырты урта мәктәбендә  Бөек Җиңүнең 77 еллыгына багышланган митинг узды. Митингка авыл халыкы һәм кунаклар, мәктәп укучылары һәм педагоглары, авыл советы, мәдәният йорты хезмәт коллективлары җыелды. Мәдәният йорты хезмәткәрләре “ Гармуннарда авылым моңнары “ исемле гармуннар күргәзмәсе оештырдылар.

    Саба районынын Олы Нырты авыл җирлегендә  тыл ветераннарын Җиңү көне белән котладылар. Ветераннарга котлау открыткалары һәм бүләкләр тапшырылды.

    Олы Нырты авыл мәдәният хезмәткәрләре "Май кәефе" дигән исем астында , балалар өчен  бәйрәм үткәрделәр. Балалар белән буялган йомырка җыю оештырылды. Бәйрәмчә матур киенгән балалар өйдән –өйгә йөреп йомырка  җыйдылар.  Авылдашларын бәйрәм белән котладылар, иминлек теләделәр. Ә алдан хәбәр ителгән өлкәннәр балалар өчен тәм-томнар һәм йомыркалар әзерләделәр.