ЯҢАЛЫКЛАР

Саба муниципаль районы башкарма комитеты Аппараты җитәкчесе Кәримов М. Р. һәм Иске Икшермә авыл җирлеге башлыгы Нурмөхәммәтов Н. Н. Бөек Ватан сугышы ветераннарын һәм Бөек Ватан сугышында катнашучыларның тол хатыннарын якынлашып килүче бәйрәм, Җиңү көне белән котлады.

13 апрель көнне Иске Икшермә мәдәният йортында Әбде мәдәният йорты үзешчәннәре концерты булып узды. Тамашачыларга төрле милләтләрнең җыр-биюләре, «Задоринка» ансамбле башкаруында җырлар, юмористик скетчлар, Әбде артистлары башкарган талантлы һәм матур җырлар бик ошады.

Иске Икшермә авыл җирлегенең ирләр командасы волейбол буенча зона ярышларында (Байлар Сабасы зонасы) уңышлы чыгыш ясый. Аларга киләчәктә дә уңышлар телибез!

Иске Икшермә авылы үзэшчәннәре 30 март көнне концерт белән Теләче районы Әбде авылында чыгыш ясадылар. Әбде халкы Икшермәлеләрне яхшы кәеф белән каршы алды, чыгыш ясаучыларны алкышларга кумеп рәхмәтләде.

Иске Икшермә авыл җирлегендә яшәүчеләр һәм Байкиев К.С. исемендәге Икшермә интернат кадет мәктәбе укучылары ”Нәүрүз” бәйрәме үткәрделәр.

15 март көнне Иске Икшермә авыл җирлегендә Саба муниципаль районы Иске Икшермә авыл җирлегенең волейбол буенча авыл җирлегенең хезмәт коллетивларының ир-ат командалары арасында ачык беренчелек булып узды. Соңыннан Иске Икшермә авыл җирлеге һәм Саба Эчке эшләр министрлыгы командалары арасында иптәшләрчә матч узды.

2019 елның 10 мартында Иске Икшермә авылы халкы Масленица бәйрәмен үткәрде. Бәйрәмдә авыл халкы бик күңелле вакыт үткәрде: коймак, пирог белән сыйландылар, уеннарда катнаштылар, җырладылар һәм биеделәр. Ә бәйрәм ахырында Масленица карачкысы яндырдылар.

Иске Икшермә авыл җирлеге башлыгы Н.Н.Нурмөхәммәтов исеменнән Иске Икшермә авыл җирлеге барлык хатын-кызларны якынлашып килүче 8 Март бәйрәме белән котлыйбыз! Гүзәл затларыбызга сәламәтлек, мәңгелек яшьлек һәм яхшы кәеф теләп калабыз. Һәрвакыт уңыш юлдаш булсын юлларыгызда!

17 февраль көнне Мичәнбаш авылында Иске Икшермә авыл җирлеге үзешчән сәнгать коллективының отчет-иҗат концерты булып узды. Анда Татар Икшермәсе ансамбльләре "Нур" һәм "Самоцветы", Иске Икшермә ансамбле "Сударушки", солистлар, спектакльләр һәм хорлар катнашучылар чыгыш ясады. Тамашачылар канәгать калды.

2019 елның 7 февралендә Иске Икшермә авыл җирлегендә халык җыены булып узды. Көн тәртибенә түбәндәге мәсьәләләр куелган иде::

1. Иске Икшермә авыл җирлеге җирле үзидарә органнарының 2018 ел өчен хисабы һәм 2019 елда җирлекнең үсеш планнары турында.

2. 2018 елда гражданнар җыелышында әйтелгән тәкъдимнәрне, үтенечләрне һәм теләкләрне үтәү буенча хисап һәм 2019 елгы Гражданнар гарызнамәләре буенча җаваплар.

3. 2018 елда хокук бозуларны кисәтү буенча профилактик эш һәм җинаятьчелек торышы турында җирлек өчен полиция вәкиле чыгышы.

4. Татарстан Республикасы Саба һәм Теләче муниципаль районы буенча надзор эшләр һәм профилактик эшләр районара бүлеге начальнигы эчке хезмәт подполковнигы Галимуллин А. Р. Чыгышы.

5. Төрлесеннән:

- Татарстан Республикасы Саба һәм Теләче районнары буенча Россия Федерациясе Пенсия фонды идарәсе начальнигы Ф. Ш. Якубованың "пенсия законнарындагы үзгәрешләр турында" чыгышы.

- Татарстан Республикасы сәнәгать һәм сәүдә министрлыгының Шәмәрдән цехы начальнигы А. Ш. Хаҗиев чыгышы.

– «Татэнергосбыт» АҖ Алабуга бүлекчәсенең Саба офисы начальнигы Р. Х. Галимҗановның «хезмәтләр өчен электрон түләү формалары турында»  чыгышы.

- Саба муниципаль районы башкарма комитеты җитәкчесе урынбасары И. И. Котдусов чыгышы «эшкуарлыкны үстерү һәм аларны торгызуда дәүләт ярдәме чаралары турында».

6. Саба муниципаль районы башлыгы Р. Н. Миңнехановның йомгаклау сүзе.