ЯҢАЛЫКЛАР
Югары Симет авыл җирлегендә 9 май көнне агач утырту акциясе булып узды. Чарада авыл җирлеге башлыгы Ахмадуллин И.Р., ЭПУ ”Сабыгаз” идарәсе җитәкчесе Исмагилов И.И., мәктәп директоры Гарифуллин Р.Н., сугыш чоры балалары, укучылар катнашты.
Югары Симет авылында Җиңү көненә багышланган митинг булып узды. Чарага тыл ветераннары, сугыш чоры балалары чакырылган иде. Алар каршында Югары Симет урта мәктәбе укучылары чыгыш ясады. Ахырдан обелискка чәчәкләр салынды. Авылдан сугышка 145 кеше китә, шуның 94 сугыш кырларында һәлак була, 51 генә исән кайта.
8 май көнне Түбән Симет авылында Бөек Җиңүнең 79 еллыгына багышланган митинг булып узды. Обелискка чәчәкләр салынды. Авылдан сугышка 98 кеше китә, 63 сугыш кырларында һәлак була, 35 генә туган ягына әйләнеп кайта.
Югары Симет авыл җирлегендә Бөек Ватан сугышында Җиңүнең 79 еллыгы алдыннан "Георгий тасмасы" патриотик акциясе узды. Бу акциядә авыл җирлеге башлыгы Ахмадуллин И.Р., Югары Симет урта мәктәбе директоры Гарифуллин Р.Н., мәктәп укучылары һәм сугыш ветераннарының туганнары катнашты.
“Симет” авыл хуҗалыгы предприятиясендә язгы кыр эшләре тулы көченә бара. Хәзерге вакытта бөртекле культуралар чәчү буенча эш алып барыла.
Чишмәләрне чистарту - яхшы һәм кирәкле традиция. Һәр ел саен Югары Симет урта мәктәбе укучылары белән өмәләр оештырыла. Быел да читтә калмадык! Үз тирәлегебезне чиста тоту беренче чиратта безнең бурычыбыз.
28 апрельдә Югары Симет һәм Түбән Симет авыллары зиратында чираттагы өмә узды. Территория корган агачлардан, үләннәрдән чистартылды.
26 апрель – Бөек Тукаебыз тууына 138 ел. Шул уңайдан Югары Симет урта мәктәбендә бик матур шигырь бәйрәме булып узды. Бәйрәмдә шагыйрьнең шигырьләре, әкиятләре укылды.
Бөек Җиңүнең 79 еллыгы якынлашкан көннәрдә Югары Симет авыл җирлегендә гомер кичерүче тыл хезмәтчәннәрен, тол калган өлкәннәрне ЭПУ «Сабыгаз» җитәкчесе Мөхетдинов Ирек Исмагил улы һәм авыл җирлеге секретаре Шәйхлиева Лилия Рафаэль кызы котлап чыктылар. Җирлектә алар барлыгы 5 кеше. Аларга котлау сүзләре җиткерелде, Татарстан Республикасы Рәисе Миннеханов Р.Н һәм Саба районы башлыгы Миннеханов Р.Н. исеменнән котлау открыткалары, бүләкләр тапшырылды.
20 апрель көнне Югары Симет авыл җирлегенә кергән бюджет учрежденияләрендә өмәләр үткәрелде. Барлык территория чүпләрдән, корган агачлардан чистартылды.