ЯҢАЛЫКЛАР

8 гыйнвар көнне Югары Шытсу авылында спорт һәм сәламәтлек ункөнлеге уңаеннан "Итектән футбол" ярышы булып узды. Уеннар бик кызу һәм күңелле барды. Бүләкләү тантанасында һәм ярышта шәхсән үзе Саба районының яшьләр эшләре һәм спорт бүлеге җитәкчесе И.Р.Гарипов катнашты. Урыннар түбәндәгечә бүленде: Беренче урынга "Шытсу1", икенче урынга "Шытсу2" һәм өченче урынга "Саба" командалары лаек булды. Командалар грамота һәм акчалата бүләкләр алдылар. Иганәчеләр: ШЭ Сөнгәтуллина, ШЭ Нуриева, ШЭ Габдрахманова,  Торг ҖЧҖ. Аларга зур рәхмәтебезне белдерәбез.

Узган ел Түбән Шытсу авылында 20 данә күләмендә юлны яктыртучы баганалар урнаштырылган иде, декабрь ае азагында алар үзләренең утларын кабыздылар. Хәзер авыл аша үтүче юл бик якты, автомобильчеләргә һәм җәяүлеләргә бик уңайлы.

Түбән Шытсу авыл җирлегендә урам юлларын кардан чистару эшләре "Шытсу АХП" ҖЧҖ тарафыннан вакытында башкарыла.

Түбән Шытсу авыл җирлегендә территорияне чиста һәм матур тоту максатыннан иске йортлар сүтү эше бара. Чираттагы иске йорт Югары Шытсу авылында сүтелде.

Югары Шытсу авылында дәүләтпрограммасы нигезендә йорт төзелеше дәвам итә. Бүгенге көндә түбә ябу эше бара.

Түбән Шытсу мәдәният йортында курчак театры тамашасы күрсәтелде.

Югары Шытсу мәдәният йортында "Чәйдә кунакта" дип исемләнгән чара булып узды.

Югары Шытсу мәдәният йорты төрле конкурсларда актив катнашып, югары нәтиҗәләргә ирешә.

Инвалидлар декадасы уңаеннан Югары Шытсу мәдәният йортында чара булып узды.

Түбән Шытсу авыл җирлегендә Яңа ел бәйрәменә әзерлек эшләре бара.