ЯҢАЛЫКЛАР
Түбән Шытсу авылында яшәүче Галявиев Әмин Галяви улы һәм Галявиева Фәүзия Корбан кызының гаилә корып яши башлауларына быел 69 ел.
Алар 1955 елның 20 мартында гаилә корып яши башлыйлар. Әмин абый башта колхозда төрле эшләрдә, Фәүзия апа сыер савучы булып эшли. 1963 елда алар Пермь өлкәсенә күченеп китәләр. Анда Әмин абый 25 ел шахтер булып, Фәүзия апа балалар бакчасында җыештыручы булып эшли.
Гаиләдә бер-бер артлы 4 бала дөньяга килә. Балаларына үрнәк тәрбия биргән Әмин абый һәм Фәүзия апа. Балалары тормышта үз урыннарын табып, төрле тармакларда тырышып хезмәт куялар.
1995 елда Галәвиевлар гаиләсе кире туган якларына кайтып төпләнә. Лаеклы ялда булуына карамастан Әмин абый колхозда эшчәнлеген дәвам итә: фермада, ындыр табагында каравылда тора. Әмин абый хезмәт һәм тыл ветераны, Фәүзия апа да хезмәт ветераны.
Бүгенге көндә Әмин абый Фәүзия апа белән тигезлектә бәхетле гомер кичерәләр. Аларның 6 оныклары 11 оныкчыклары бар.
Киң күнелле, ярдәмчел Әмин абый белән Фәүзия апа күршеләренә һәм авылдашларына гел игелек кылып яшиләр, шуна күрә аларны авылдашлар бик хөрмәт итә.
Югары Шытсу авылында яшәүче Фарляхов Гаптеләхәт Тимершаех улы һәм Фарляхова Әлфия Равил кызы быел үзләренең алтын туйларын бәйрәм итәләр. Алар 1974 елның 27 июнендә гаилә коралар.
Гаилә коргач, алар Караганда шәһәренә китеп урнашалар. 1977 елда кабат туган якларга кайтып төпләнәләр.
Гаптеләхәт абый гомер буе “Беренче Май” колхозында механизатор булып эшләп, лаеклы ялга чыккан. Әлфия апа 1977 елдан“Беренче Май” колхозында төрле эштә, 1979-1982 елларда Түбән Шытсу мәктәбендә повар булып, 1983 елдан 2010 елга кадәр, лаеклы ялга киткәнче Югары Шытсу фермасында эшләгән.
Тырыш хезмәтләре өчен Гаптеләхәт абый һәм Әлфия апа күп бүләкләр, мактау кагәзьләренә ия булганнар.
Гаиләдә бер-бер артлы ике бала дөньяга килә. Балалары тормышта үз урыннарын табып, төрле тармакларда тырышып хезмәт куялар. Тәртипле, эш сөючән, шафкатьле, һәрвакыт ярдәмгә мохтажларга булышучы итеп тәрбияли аларны Гаптеләхәт абый белән Әлфия апа.
Гаптеләхәт абый һәм Әлфия апа бүгенге көндә Югары Шытсу авылында гомер итәләр. Аларның 5 оныклары,3 оныкчыклары бар.
Киң күнелле, ярдәмчел Гаптеләхәт абый белән Әлфия апа күршеләренә һәм авылдашларына гел игелек кылып яшиләр, шуна күрә аларны авылдашлар бик хөрмәт итә.
Киләсе көннәрне дә алар парлашып, куаныч белән каршы алсыннар иде.
2024 елның сентябрендә Татарстан Республикасы Саба муниципаль районының Югары Шытсу «Ак каен» балалар бакчасында "Экстремизмга – ЮК!" айлыгы үткәрелде. Расланган план нигезендә түбәндәге чаралар үткәрелде:
- "Егетләр, әйдәгез Дус яшик!" мультфильмын карау;
- Асфальтта рәсемнәр конкурсы «Без тынычлык өчен, сугыш кирәкми!»;
- «Куркынычсызлык әлифбасы»тематик берләшмәсе;
- Тематик ООД " Әйдәгез халыклар белән дус булыйк»;
- «Без күңелле спортчылар»спорт уеннары.
Түбән Шытсу төп мәктәбе укучылары Елыш авылына сәяхәткә бардылар. Укучыларны авыл тарихы белән тирәннән кызыксынучы Гөлсинә Хәмидуллина каршы алды һәм авылның үткәне, бүгенгесе белән ныклап таныштырды.
Түбән Шытсуда Татарстан кроссы - 2024 узды. Өлкәннәр һәм балалар актив катнаштылар. Җиңүчеләр һәм призерлар грамота һәм акчалата приз белән бүләкләнделәр.
Югары Шытсу авылында үзара салым хисабына балалар мәйданчыгында йомычка тарату эше башкарылды.
Югары Шытсу авылында үзара салым хисабына балалар өчен уен мәйданчыгы урнаштыру эше бара. Эшне "ПМК-159" ҖЧҖ оешмасы башкара.
Югары Шытсу мәдәният йортында балаларны гөслә уен коралында өйрәтү актив рәвештә алып барыла. Мәдәният хезмәткәрләре әлеге уен коралының барлык нечкәлекләрен аңлаталар, балалар бик теләп өйрәнергә тырышалар.
Югары Шытсу авылында район Башлыгы Минниханов Р.Н. һәм авыл хуҗалыгы җитәкчесе Хасаншин Г.Ш. катнашында җыелыш булып узды. Җыелышта терлекчелек тармагына тулы анализ ясалды, алдагы айларга максатлар билгеләнде.