ЯҢАЛЫКЛАР

Елыш клубында Югары Шытсу китапханәсе белән берлектә әдәби уен булып узды. Чара дәвамында балалар Шарль Перро иҗаты белән таныштылар, әдәби уен уйнадылар.

Югары Шытсу китапханәсендә А.Н.Толстой иҗаты белән танышу үткәрелде. Балалар әсәрләрдән өзек укыдылар.

Югары Шытсу мәдәният йортында Рамиль Шарапов концерты булып узды. Тулы залны җыйган концерт бик матур узды. Халык матру җырлар тыңлап, юмористик номерларны карап ял итте.

Югары Шытсу мәдәният йортында "Үкенерлек түгел үткәннәр" дип исемләнгән юбилей кичәсе булып узды. Кичә, телевизион тапшыру "Кунак бит шоу" программасынна охшатып алып барылды. Чараның үзәгендә 50 яшьлек юбилярлар, Югары Шытсу авылында яшәүче Гилемханова Гөлназ һәм Гыйбадуллин Наиль булдылар. 

Түбән Шытсу төп мәктәбе базасында Яңа ел каникуллары дәвамында авыл яшьләре, кайткан кунаклар катнашында волейбол ярышы булып узды. Яшьләр бик актив катнаштылар. Күтәренке рухта ял итеп һәм аралашып волейбол ярышы бик матур узды.

Югары Шытсу авылында Яңа ел бәйрәме уңаеннан авыл яшьләре һәм кайткан кунаклар катнашында итекле футбол ярышы булып узды. Ярышны үткәрүдә Түбән Шытсу авыл җирлегендә урнашкан кибетләр акчалата ярдәм итте:  ШЭ Нуриева, ШЭ Сөнгәтуллина, ШЭ Хидиятуллин, ШЭ Габдрахманова.   Укучылар арасында беренче урынны Ю.Шытсу командасы алды, икенче урында Елыш. Олылар арасында беренчелекне Шытсу командасы яулады, икенчедә Юлбат, өчтә Елыш командасы калды. Барлык катнашучыларга һәм иганәчеләргә рәхмәт белдерәбез.

Югары Шытсу мәдәният йортында балалар өчен чыршы бәйрәме үткәрелде. Балалар, әти-әниләр һәм килгән кунаклар өчен мәдәният хезмәткәрләре тарафыннан күңелле генә тамаша тәкъдим ителде. Балалар кызыклы уеннарда актив катнашты, шулай ук әти-әниләрдә читтә калмады. Кыш бабай барлык катнашучыларга бүләкләр өләште.

Югары Шытсу авыл китапханәсе укучы балалар белән берлектә район үзәгендә булып узган чарада актив катнашып кайттылар. Бәйрәм елкасы "Әдәби алан" проектында катнашкан укучылар парады белән башланды. Барлык катнашучылар бүләккә ия булдылар.

Түбән Шытсу авыл җирлегендә урнашкан мәдәният йортларында Яңа ел чаралары үтеп тора. Шушы көннәрдә лотерея, бал маскарад, яшьләр өчен дискотекалар булып узды. Алдагы көннәрдә план буенча чаралар дәвам итәчәк. Барлык авыл халкын, кайткан кунакларны чараларда көтеп калабыз.

Түбән Шытсу мәдәният йортында Яңа ел лотереясы булып узды. Бүләкләр яхшы иде. Әлеге чара тамашачыларга, кайткан кунакларга бик ошады.