ЯҢАЛЫКЛАР
Түбән Шытсу авылында Саба һәм Шытсу хатын-кыз волейбол командалары арасында иптәшләрчә уен үткәрелде.
Түбән Шытсу төп мәктәбе базасында район күләм семинар-киңәшмә булып үтте. Семинарда уку-укыту, тәрбия юнәлеше буенча ачык дәресләр күрсәтелде һәм үзара тәҗрибә уртаклашу эше башкарылды.
Түбән Шытсу төп мәктәбендә "Рәхмәт сиңа, Әлифба" дип исемләнгән чара үтте. Балалар театральләштерелгән тамаша тәкъдим иттеләр, кызыклы сорауларга җавап табып шигырь сөйләделәр.
2023 нче ел Милли мәдәниятләр һәм гореф-гадәтләр елы уңаеннан, Түбән Шытсу төп мәктәбендә мәктәп укучылары катнашында "Мин татар малае" бәйгесе булып үтте. Балалар төрле биремнәр эшләделәр, үзләренең осталыкларын, һөнәрләрен күрсәттеләр. Дусларча көч сынашу рәвешендә барган бәйге бик күңелле һәм файдалы үтте.
Түбән Шытсу авылында гаилә командалары арасында чаңгы эстафетасы булып узды. "Татарстан чаңгы юллары 2023" кысаларында үткәрелгән ярышта әти-әниләр һәм балалары актив катнаштылар. Ярыш нәтиҗәләре буенча беренче урынны Гөмәревләр гаиләсе алды, икенче урында Шакировлар, өченче Хабибрахмановлар һәм дүртенче нәтиҗәне Сәфиуллиннар гаиләсе күрсәтте. Катнашучаларга грамота һәм истәлеккә бүләкләр тапшырылды.
Югары Шытсу мәдәният йортының "Дубая" гөсләчеләр ансамбле, Арча шәһәрендә фестивальдә актив катнашып, лауреат исеменә лаек булып кайттылар. Аларны чын күңелдән котлыйбыз!
Түбән Шытсу авылында "Чаңгы юллары 2023" ярышлары булып узды. Әлеге чарада мәктәп укучылары, учреждения хезмәткәрләре актив катнашты.
2 февраль көнне ”Түбән Шытсу төп мәктәбе”ндә “Укытучылар кыздыра” дигән кичә үткәрелде.
2023 ел Россия Президенты В.В. Путин тарафыннан Педагог һәм остаз елы дип игълан ителде. Дөнья глобальләштерү чорына аяк басканда, укытучының роле зур. Бу елда укытучының иҗади һәм профессиональ кыйммәтен,дәрәҗәсен күтәрү өчен зур эшләр башкарылачак.”Түбән Шытсу төп мәктәбе”ндә Педагог һәм остаз елын ачып җибәрү максатыннан “Укытучылар кыздыра” дигән кичә үткәрелде. Уенда “Укытучы-горур яңгырый” командасы һәм “Лаеклы алмаш” командалары катнашты. Укытучылар кичә дәвамында сорауларга җавап бирделәр,педагогик ситуацияләр чиштеләр.Кичә укучылар башкарган җырлар белән үрелеп барды.
2 февраль көнне Түбән Шытсу мәдәният йортында "Шытсу" авыл хуҗалыгы җәмгыятенең отчет җыелышы булып узды. Җыелышта авыл хуҗалыгы һәм азык төлек идарәсе башлыгы Хасаншин Г.Ш. катнашты.
30 гыйнвар көнне Түбән Шытсу авылында гражданнар җыены булып узды. Җыенда Саба муниципаль районы Башлыгы Минниханов Р.Н., хокук саклау органнары, оешма, учреждения җитәкчеләре катнашты. Җыенда көн тәртибе буенча чыгышлар тыңланды, халык тарафыннан бирелгән сорауларга җаваплар бирелде.