ЯҢАЛЫКЛАР
Түбән Шытсу төп мәктәбендә, Муса Җәлилнең тууына 120 елга багышланган шигырь бәйрәме булып узды. Укучы балалар бөек шагырьнең иҗаты белән якыннан танышлтылар, шигырьләрен яттан сөйләделәр.
Түбән Шытсу төп мәктәбенең 9 сыйныф укучысы Файзрахманова Румия татар теле һәм әдәбияты фәннәреннән Республика олимпиадаларында призлы урыннар алды.Чын күңелдән котлыйбыз! Киләчәктә тагын да зуррак үрләр яуларга язсын!
Түбән Шытсу авылында махсус хәрби операциядә катнашучы егетләр өчен токмач кисү эше башкарылды. Барлык волантерларга, иганәчеләргә зур рәхмәт белдерәбез!
Түбән Шытсу авылында "Шытсу" авыл хуҗалыгы җәмгыятенең отчет җыелышы булып узды. Җыелышта Саба муниципаль районы азык-төлек идарәсе җитәкчесе Хасаншин Г.Ш.катнашты. Отчет җыелышында хуҗалык белгечләренең чыгышлары тыңланды. 2025 елга җентекле анализ ясалды һәм 2026 елга планнар максатлар билгеләнде.
22 гыйнварда МББУ «Саба урта гомуми белем бирү мәктәбе» базасында «кием һәм аксессуарлар дизайны» компетенциясе буенча «Яшь мастер»төбәкара чемпионатының муниципаль этабы узды.
Катнашучылар үзләрен кием дизайнерлары һәм стилистлар ролендә сынап карадылар, гади футболкаларны автор эшләнмәләренә әйләндерделәр. Һөнәри осталык конкурсы-башлангыч мәктәп яшендәге балаларның иҗади сәләтләрен һәм һөнәри күнекмәләрен үстерүгә юнәлдерелгән искиткеч чара. 7-9 яшьлек балалар арасында үткәрелгән конкурс йомгаклары буенча: 2 урын – Түбән Шытсу төп гомуми белем бирү мәктәбенең МББУ Мияссарова Миләүшә;сезне бу уңыш белән котлыйбыз, алга таба да уңышлар телибез!
26 январь көнне Түбән Шытсу мәдәният йортында гражданнар җыены булып узды. Җыенда Саба муницпиаль районы башлыгы урынбасары Закирзянов Р.Р. катнашты.
10 январь көнне Югары Шытсу мәдәният йортында, агымдагы елда 50 яшьлек юбилейларын билгеләп үтүчеләргә багышлап "Үкенерлек түгел үткәннәр" дип исемләнгән кичә үткәрелде. Авылның тырыш, эш сөючән егетләре Фархуллин Рафаэль, Гараев Фидаиль һәм Файзрахманов Ришат бәйрәм киченең үзәгендә булдылар. Мәдәният хезмәткәрләре җыр-бию, кызыклы уеннар, котлаулар белән әлеге чараны матур итеп алып бардылар.
Бүген Түбән Шытсу авылы мәдәният йортында район башлыгы Рәис Миңнеханов һәм авыл хуҗалыгы идарәсе башлыгы Гафур Хәсәншин җитәкчелегендә терлекчелекнең 2025 елгы эшенә йомгаклар ясау буенча семинар-киңәшмә узды. Чарада Саба районы авыл хуҗалыгы идарәсе белгечләре, район ветеринария хезмәте җитәкчесе, авыл хуҗалыгы оешмалары җитәкчеләре һәм зооветеринария белгечләре катнашты. Киңәшмә барышында терлекчелек тармагы эшенә йомгаклар ясалды һәм район хуҗалыкларындагы актуаль проблемалар каралды һәм агымдагы 2026 елга бурычлар куелды.
Югары Шытсу авылында гомер кичерүче Харуллина Суфия апага 95 яшь. Аны котлап социаль яклау бүлеге җитәкчесе Гайнутдинова Лилия Нургаяновна һәм Түбән Шытсу авыл җирлеге башлыгы Мәүлетов Б.М. килделәр.
Хайруллина Суфия Вәли кызы 1931 елның 08 гыйнварында Саба районы Югары Шытсу авылында дөньяга килә. Суфия апаның бала чагы авыр сугыш елларына туры килә, күп авырлыклар, ятимлек күреп үсә ул. 1958 елда Югары Шытсу авылы егете Харис абыйга кияүгә чыга. Аш-суга, кул эшләренә уңган килен-Суфия апа, кайнана- кайната белән бик тату гомер итә. Аларның фатихасын алып соңгы юлга озата. Харис абый белән алар бик тәртипле 2 кыз устергәннәр. Суфия апа туган төбәгендә тыл хезмәтчәне булып хезмәт юлын башлап җибәргән. “Беренче Май”колхозында төрле эшләрдә хезмәт куйган. Аннары Югары Шытсу авылы клубында җыештыручы булып эшләп лаеклы ялга чыккан. Аның эш стажы 40 ел. Кайгы-хәсрәт тә читләтеп үтми Суфия апаны 56 ел бергә гомер иткән газиз ирен, кызын, оныгын югалту ачысын кичерә. Суфия апаның бүгенге көндә 3 оныгы, 7 оныкчыгы бар. Хәзерге вакытта ул Югары Шытсу авылында кызы Хәния кияве Рүзәл тәрбиясендә гомер итә. Эш сөючән Суфия апа тик утыра белми, хәзер дә кул эшләре белән шөгелләнә:носки, бияләй бәйли; сарык йонын тетә, җегерли. Киң күнелле, ярдәмчел Суфия апа күршеләренә һәм авылдашларына гел игелек кылып яши, шуна күрә аны авылдашлар бик хөрмәт итә.
3 январь көнне Югары Шытсу авылында итекле футбол ярышы булып узды. Ярышны ачу тантанасында Саба муниципаль районы башкарма комитеты җитәкчесе урынбасары, аппарат җитәкчесе Гарипова Ирек Рамазанович катнашты. Ярыш нәтиҗәләре түбәндәгечә булды: 1. Тимершык, 2. Шытсу-1, 3. Саба, 4.Шытсу-2. Командаларга акчалата бүләк һәм грамота тапшырылды.