ЯҢАЛЫКЛАР
Югары Шытсу авылы китапханәсендә "Игелекле хыял язучысы" дигән чара узды. Чара язучы В.П.Крапивинның тууына 85ел тулуга багышланган иде.
21 октябрь көнне Түбән Шытсу авыл җирлеге үзешчәннәре, мәдәният йорты, учрежденияләр коллективы «Милләт яме -йола, бәйрәмнәрдә!» дип исемләнгән фестиваль-конкурста катнашты.
Татарстан Республикасында милли мәдәниятләр һәм традицияләр елына багышланган Фестиваль-конкурс Саба муниципаль районы предприятиеләре, оешмалары, учреждениеләре һәм авыл җирлекләре коллективлары арасында үткәрелә. Һәр коллектив традицион-халык йолаларының театральләштерелгән куелышын күрсәтә.
Безнең хезмәткәрләр «Уракка төшү» халык йоласының театраль куелышы белән чыгыш ясадылар. Фестиваль-конкурс Юлбат мәдәният йортында узды.
Югары Шытсу мәдәнит йортында әтиләр көненә багышланган чара үтте. Чарада әти һәм бала катнашында кызыклы викториналар, уеннар үткәрелде. Гаиләләр бик теләп катнаштылар.
Югары Шытсу мәдәният йортында укытучылар көне уңаеннан чара үткәрелде. Алып баручылар тарафыннан кызыклы программа әзерләнгән иде. Укытучылар әлеге чарада бик теләп катнашылар.
Түбән Шытсу авыл җирлегендә үзара салым хисабына юллар төзекләндерү эше төгәлләнде. Югары Шытсу һәм Елыш авылында барлыгы 157м.юл ремонтланды, Түбән Шытсуда юллардагы чокырларны тигезләү эше башкарылды. Эшне "Рамазан" ҖЧҖ башкарды.
Түбән Шытсу мәдәният йортында өлкәннәр көне уңаеннан концерт үткәрелде. Концерт программасы авыл җирлегендә урнашкан мәдәният хезмәткәрләре һәм мәктәп укучылары катнашында башкарылды. Бәйрәм чарасы "Шытсу" авыл хуҗадыгы җәмгыяте һәм иганәчеләр ярдәме белән әзерләнгән чәй табынында җанлы аралашу, тәмле ризыклардан авыз итү белән тәмамланды.
Түбән Шытсу авылында корган агачлар киселеп, территория читсартылды.
Киров өлкәсендә 1 октябрьдән 4 октябрьгә кадәр Идел буе федераль округы авыл яшьләре Слеты узды. Татарстан Республикасы делегациясе составында Түбән Каманың авыл җирлеге башлыгы Мәүлетов Б.М. Идел буеның авыл яшьләрен тантаналы ачуда Россия Президентының Идел буе федераль округындагы вәкаләтле вәкиле урынбасары Олег Машковцев, Киров өлкәсе губернаторы Александр Соколов, Идел буе федераль округы Закон чыгаручылар ассоциациясе координаторы, Түбән Новгород өлкәсе Закон чыгару Собраниесе спикеры Евгений Люлин һәм башка дәрәҗәле кунаклар сәламләде. Беренче Слетның төп темасы - авыл территорияләрен үстерү, авылларда яшьләргә ярдәм итү һәм ныгыту. Өч көн дәвамында дискуссия мәйданчыкларында яшь кешеләрнең уңышлы тәҗрибәләре каралды, яңа чишелешләр һәм закон инициативалары формалашты.
Түбән Шытсу төп мәктәбендә "2023 ел - Укыучылар һәм остаз елы" уңаеннан зур очрашу үткәрелде. Әлеге бәйрәм чарасында Түбән Шытсу мәктәбе белән бәйле булган укытучылар, остазлар катнашты. Очрашу бәйрәме чәй табыны артында күңелле аралашу, хатирәләрне яңарту, җыр-моң белән үрелеп алып барылды. Әлеге чара бик күңелле һәм оешкан төстә үтеп китте.
Югары Шытсу авыл зиратында койма тоту эшләре тулаем төгәлләнде. Соңгы 255м озынлыкта койма авылда яшәүчеләрнең өстәмә ирекле рәвештә тапшырылган акчалар хисабына башкарылды. Әлеге эшне башкаруда өлеш керткән кешеләргә, иганәчеләргә рәхмәт белдерәбез!