ЯҢАЛЫКЛАР

3 август көнне Сәрдә авыл халкы һәм кунаклары «Жәйге авыл кичләре» дип исемләнгән авыл Көнен билгеләп үттеләр. Котлау сүзе белән авыл имам-хатыйбы Рафыйк Сабирҗанов чыгыш ясады. Шекше авыл җирлеге башлыгы Радик Хәйртдинов авыл халкын һәм кунакларны бәйрәм белән котлады, шулай ук ООО «Игенче» җитәкчесе Алмаз Зарипов, кече бизнес җитәкчесе Рәис Дәүләтшин да котлау сүзләрен җиткерделәр. Мәдәният хезмәткәрләре бәйрәмне оештыруда актив катнаштылар. Уеннар программасын һәм бәйрәм программасын Сәрдә авыл клуб мөдире Рузил Ибатуллин алып барды. Шулай ук Сәрдә авыл клуб хезмәткәрләре һәм үзешчән артистлар тарафыннан концерт программасы әзерләнде. Эзмә мәдәният йорты мөдире Зөлфәт Саматов һәм Кызыл-Мишә мәдәният йорты сәнгать җитәкчесе Айдар Хантимиров бәйрәм белән котлап, яраткан җырларын башкардылар. Бу гадәти булмаган бәйрәм өлкәннәр һәм балалар өчен күңелле уеннар, бүләкләр тапшыру, концерт номерлары һәм биюләр белән үрелеп барды. Һәр кунак пылау, кайнар чәй һәм күчтәнәч белән сыйлана алды. Бәйрәмнең иганәчеләре: «Игенче» ООО җитәкчесе Алмаз Зарипов, кече бизнес җитәкчесе Рәис Дәүләтшин, «Илфани» сәүдә үзәге җитәкчесе Фәннур Курамшин, Муртазин Артур, Закиров Руслан, Галимов Илназ булды. Кичкә кадәр музыка яңгырады, концерт дискотека белән алышынды.

3 август көнне Сәрдә авыл халкы һәм кунаклары «Жәйге авыл кичләре» дип исемләнгән авыл Көнен билгеләп үттеләр. Котлау сүзе белән авыл имам-хатыйбы Рафыйк Сабирҗанов чыгыш ясады. Шекше авыл җирлеге башлыгы Радик Хәйртдинов авыл халкын һәм кунакларны бәйрәм белән котлады, шулай ук ООО «Игенче» җитәкчесе Алмаз Зарипов, кече бизнес җитәкчесе Рәис Дәүләтшин да котлау сүзләрен җиткерделәр. Мәдәният хезмәткәрләре бәйрәмне оештыруда актив катнаштылар. Уеннар программасын һәм бәйрәм программасын Сәрдә авыл клуб мөдире Рузил Ибатуллин алып барды. Шулай ук Сәрдә авыл клуб хезмәткәрләре һәм үзешчән артистлар тарафыннан концерт программасы әзерләнде. Эзмә мәдәният йорты мөдире Зөлфәт Саматов һәм Кызыл-Мишә мәдәният йорты сәнгать җитәкчесе Айдар Хантимиров бәйрәм белән котлап, яраткан җырларын башкардылар. Бу гадәти булмаган бәйрәм өлкәннәр һәм балалар өчен күңелле уеннар, бүләкләр тапшыру, концерт номерлары һәм биюләр белән үрелеп барды. Һәр кунак пылау, кайнар чәй һәм күчтәнәч белән сыйлана алды. Бәйрәмнең иганәчеләре: «Игенче» ООО җитәкчесе Алмаз Зарипов, кече бизнес җитәкчесе Рәис Дәүләтшин, «Илфани» сәүдә үзәге җитәкчесе Фәннур Курамшин, Муртазин Артур, Закиров Руслан, Галимов Илназ булды. Кичкә кадәр музыка яңгырады, концерт дискотека белән алышынды.

31 июль көнне Сабабаш авыл клубында Лесхоз мәдәният йорты белән берлектә «Авыл киче" дип исемләнгән җәйге концерт оештырылды. Концерт номерлары барлык тамашачыларныңда күңелләренә хуш килде. Татар һәм рус телләрендә ретро һәм заманча җырлар яңгырады. Концерт номерлары төрле күңелле уеннар белән чиратлашып алып барылды.

30 июль көнне Сабабаш авыл клуб мөдире, клуб берләшмәсенә йөрүче өлкәннәр һәм балалар өчен, Саба районының истәлекле урыннарында “Туган ягым буйлап, тарих эзләрен барлап” дип исемләнгән экскурсия оештырды. Экскурсоводыбыз Тамчыгөл Вәлиева маршрут буенча тукталган һәр маршрут тарихы белән таныштырып барды. Маршрут Сатыш авылындагы музей-мәдрәсәсе белән танышудан башланды. Шулай ук Казанче Бигәнәй авылында урнашкан «Ишан-хәзрәт» каберендә булдылар, аннан соң Ш.Х.Биктимиров исемендәге китапханәдә булдылар. Китапханә хезмәткәре Загирова Ләйсән аларны актерның биографиясе белән таныштырды. Шулай ук Сөембикә манарасы рәвешендәге кунакханәдә дә булдылалар. Экскурсия бик кызыклы һәм мавыктыргыч узды, экскурсиядән бик канәгать булдылар һәм безнең районның башка музейларында булырга теләк белдерделәр. Районыбызның матурлыгына сокланып, күтәренке кәеф белән таралыштылар.

28 июль конне Олы – Нырты мэдэният йортында укучылар очен боек патша Петр беренченен юбилеена багышланган « Тарих тэгэмэче» дигэн викторина уткэрелде. Бу чарада ике команда катнашты. Команданын исеннэре Петр беренченен ижаты белэн бэйлэнгэн иде. Викторина диалог формасында узды. « Петр беренче буй озынлыгы?», « Беренче укытучысы кем?», « Петербург шэхэрен кем исеме белэн атаганнар?»дигэн кызыклы сорауларга укучылар бик тогэл жаваплар бирделэр. Бу викторинада балалар бик актив булдылар хэм рус тарихы буенча ныклы белемнэрен курсэттелэр.

27 июль көнне Иске Мичән авыл мәдәният йорты һәм Керәнне авыл клубы хезмәткәрләре Иске Мичән һәм Керәнне авыллары яшьләре катнашында "Яшьнәп торган яшьлек" дип исемләнгән урам концерты оештырдылар.Концерт номерлары кызыклы уеннар һәм конкурслар белән үрелеп барды. Бу чара яшьләргә бик ошады. Бәйрәм 90 еллар дискотекасы белән дәвам итте.

Шулай итеп, экскурсия маршрутының икенче атнасы тәмамланды! 23 июль көнне Сатыш авылы халкы өчен экскурсия үткәрелде. 24 июль көнне безнең экскурсиядә Түбән Шытсу халкы булып китте. 25нче сыйныф укучылары Саба мәчетендә оештырылган балалар лагере өчен экскурсия уздырдылар. Балалар бик акыллы, хәзер алар Саба районында урнашкан халыкның, торак пунктларның һәм авыл җирлекләренең күпме булуын төгәл беләләр. 26 июль көнне Явлаштау халкы өчен экскурсия үткәрелде. Бүген дә, 27 июль көнне, Юлбат һәм күләгәдә яшәүчеләр өчен экскурсия программасы булды. Экскурсия август уртасына кадәр броньланган даталар белән тәмамланды!  Сезгә туган якның истәлекле урыннарында булу бик ошый!  Әмма сезнең өчен бу экскурсияләрне үткәрү барыннан да бигрәк ошый, чөнки безнең районда яшәүчеләр гаҗәеп халык: шат күңелле, ачык, чыдам һәм һичшиксез күңелле-экскурсия ахырына йөзнең барлык мускуллары көлүдән чирли! Кадерле туристлар сезне түземсезлек белән көтеп калабыз!  Белешмәләр өчен Телефон: 89600-337-36.

25 июль көнне Юсып-Алан клубы мөдире һәм Юлбат китапханәсе хезмәткәре, Калатау һәм Йосыф-Алан халкы белән Калатау болында «челтерәп ага чишмәбез!». Бу бәйрәм халкыбызның гореф-гадәтләрен һәм йолаларын саклау максатыннан үткәрелде. Бәйрәмдә халык җырлары, милли уеннар яңгырады.

20 июль көнне Шәмәрдән авыл мәдәният йорты хезмәткәрләре Кырбаш авылында Питрау бәйрәмен үткәрүдә актив катнаштылар. Чара кыска гына сюжетлы сәхнәләштерелгән тамаша белән башланып китте. Анда җиләк җыю күренеше һәм керәшен халкының йола, гореф-гадәтләре күзәтелде. Авыл җирлеге башлыгы А.Н.Гәрәев авыл халкын һәм кунакларны әлеге бәйрәм белән котлады. Кырбаш авыл клубы мөдире Надя Черненко авылдашларын коймак һәм конфет белән сыйлады. Концерт номерлары кызыклы уеннар белән үрелеп барды. Бәйрәм дискотека белән тәмамланды.

20 июль Шекше авылында һөнәрчелекне популярлаштыру, сәламәт яшәү рәвешен пропагандалау, авыл халкының ялын оештыру максатларын күз алдында тоткан "Worldskills Казан-2019" дип исемләнгән үзенчәлекле чара үткәрелде . Программада кулдан ясалган техника парады һәм бәйгесе, пневматик мылтыктан ату ярышы, һөнәри мастер- класслар, үзешчән артистлар концерты, күңелле уеннар һәм дискотека кертелде. Әлеге чараны Шекше авыл җирлеге башлыгы, Шекше мәдәният йорты хезмәткәрләре, Сәрдә авыл клубы мөдире оештырды.