ЯҢАЛЫКЛАР
6 ноябрьдә Татарстанда Конституция көне билгеләп үтелә. Бу көн рәсми бәйрәм булып санала һәм 1992 елның 6 ноябрендә Республиканың Төп канунын кабул итү хөрмәтенә билгеләнгән. Әлеге бәйрәм уңаеннан Саба урман хуҗалыгы тарихы музеенда «ТР Конституциясе турында гомуми нигезләмәләр» тематик сәгате үткәрелде. Конституция төп закон булып тора. Ул гражданнарның төп хокукларын һәм бурычларын билгели. Аның территориясендә төрле милләт вәкилләре яши, алар бу кануннарны үтәргә тиеш. Бу хакта һәм башка нигезләмәләр турында чарада катнашучылар белән әңгәмә алып барылды.
2025 елның 5-6 ноябрендә "Әйдә, бас!” проекты рамкаларында «Халык биюе: традицияләр һәм заманча тенденцияләр белән элемтә» темасына квалификация күтәрү курслары утте.
«Таткультресурсцентр» тарафыннан ТР Дәүләт җыр һәм бию ансамбле белән берлектә оештырылган әлеге проект бию сәнгатен тирәнтен ойрәнү өчен бөтен республикадан хореография коллективлары җитәкчеләрен һәм укытучыларын җыйды.
Бу ике көн бай һәм нәтиҗәле булды. Дәресләрне ТР Дәүләт җыр һәм бию ансамбле педагоглары алып барды.
Элеге курсларда "Саба балалар сәнгать мәктәбе"нен хореография сыйныфы укытучысы Мөбәрәкҗанова Альбина Зөфәр кызы катнашты һәм белем күтәрү турында таныклык алды.
Бу курс Татарстанның барлык хореография сәнгате үсешенә көчле этәргеч булыр дип өметләнәбез!
4 ноябрьдә бөтен Россия "Халыклар бердәмлеге" көнен билгеләп үтә. Бу көн хәзерге Россиянең дәүләт бәйрәмнәре арасында аерым урын алып тора.
Халыклар бердәмлеге көнен-балалар кечкенәдән белергә тиеш. Ул кешеләрне мөһим тарихи вакыйгаларны искә төшереп кенә калмыйча, күпмилләтле ил гражданнарына берләшүнең мөһимлеген искә төшерергә дә чакыра.
Әйлән-бәйлән әйләнәбез,
дусның кулын алырбыз,
Зур илнең һәр әгъзасы,
Мин һәм син бергә булырбыз.
Барыгыз да әйләнә башлагыз-син минем дустым, мин синең дустың!
Бу юллар Халыклар бердәмлеге көнен бәйрәм итүгә багышланган чаралар кысаларында 2025 елның 5 ноябрендә «Саба балалар сэнгать мәктәбенең» рәсем һәм хореография бүлекләре укучылары белән үткәрелгән «Дуслык әйләнәсе» акциясенең девизы булды. Укытучылары Газизова Г. Р. һәм Мөбәрәкҗанова А. З. балалар белән дуслыкның нәрсә икәнлеге, бөтен дөнья кешеләре үзара дус булсын, конфликтлар һәм сугышлар булмасын, илдә тынычлык, иминлек, бәхет хөкем сөрсен һәм бөтен халык бердәм гаилә булсын өчен ничек эшләргә икәнлеге турында фикер алыштылар.
4 ноябрьдә илебез Халыклар бердәмлеге көнен билгеләп үтә. Бу көн хәзерге Россиянең дәүләт бәйрәмнәре арасында аерым урын алып тора. Ул 1612 ел вакыйгалары – ата-бабаларыбызның Ватан азатлыгы һәм бәйсезлеге хакына берләшкән батырлыгы белән бәйле. Бу - Россиянең күпмилләтле халкы хаклы рәвештә горурлана торган патриотизм, үзара ярдәмләшү һәм уртак максатлар тирәсендә бердәмлек бәйрәме.
Олы Нырты авыл китапханәсендә 3 ноябрь көнне, Халыклар бердәмлеге көне алдыннан, «Россия халыклары уеннары» исемле танып-белү уен программасы үткәрелде. Анда катнашучылар әлеге бәйрәмнең барлыкка килү тарихы турында белделәр, Россия халыкларының хәрәкәтчән уеннары белән таныштылар.
Балалар «Горелки», «Маша и Яша» рус уеннарын, «Буш урын», «Түгәрәктә туп», «Түбәтәй» татар уеннарын, «Энә һәм җеп» башкорт уенын, «Елан койрыгы» чуваш уенын һәм башкаларны өйрәнделәр һәм уйнадылар. Балалар яңа белемнәр һәм күтәренке рух алдылар.
4 ноябрьдә ел саен Россиядә Халыклар бердәмлеге көне билгеләп үтелә. Бу бәйрәм – ватанпәрвәрлек һәм гражданлык халкыбызга берләшергә һәм илне басып алучылардан сакларга ярдәм иткән Ватан тарихының истәлекле битләренә тирән хөрмәт.
2025 елның 4 ноябрендә Шәмәрдән модель һәм балалар китапханәсе «Читайка» клубы әгъзалары - Шәмәрдән “Үсеш” лицее укучылары өчен «Мы силой единой сильны» дигән мәгълүмати-тарихи сәгать үткәрде. Китапханәчеләр балаларны бәйрәмнең барлыкка килү тарихы, ата-бабаларыбызның Ватан бәйсезлеге хакына күрсәткән батырлыклары, шулай ук бәйрәм итүнең традицияләре, Россия өчен әһәмияте белән таныштырдылар. Россиянең бердәм булганда гына көчле булуын һәркем истә калдырды. Ишеткәннәрне һәм күргәннәрне ныгыту өчен балалар белән «Мин — гражданин» һәм «Россия-күпмилләтле дәүләт» дигән викториналар үткәрелде.
4 ноябрьдә Зур, чиксез, күпмилләтле илебез Халыклар бердәмлеге көнен билгеләп үтә. Бу бәйрәм уңаеннан Оч Нарат авыл клубында Иске Икшермә авыл китапханэсе белән берлектә «Бердәмлек безнең көч»патриотизм һәм игелек сәгате үткәрделәр Очрашу барышында балалар Россия тарихының безне өйрәтүен, аерым, берәм-берәм бергә эшли алганны эшли алмавын аңладылар. Россиянең бердәм булганда гына көчле булуын һәркем истә калдырды. Нәкъ менә шуңа күрә безнең илдә шундый мөһим бәйрәм бар - халыклар бердәмлеге көне.
2025 елның 4 ноябрендә Муса Җәлил исемендәге Татар дәүләт академия опера һәм балет театрында "Безнең йорт - Татарстан" республика этномәдәни фестивале лауреатларын бүләкләү булды. "Хөснулла һәм Аллаһияр Вәлиуллиннар исемендәге Саба балалар сәнгать мәктәбе"нең "Яшьлек" бию коллективы (җитәкчесе - Мөбәрәкҗанова Альбина Зөфәр кызы) "Хореография. Халык биюе" номинациясендә "Сабантуй буләге" биюе өчен лауреат дипломы белән бүләкләнде.
Халыклар бердәмлеге көне - Россия дәүләт бәйрәме, ул 2005 елдан башлап 4 нче ноябрьдә билгеләп үтелә. Бу Россиянең күпмилләтле халкы бердәмлегенә багышланган дәүләт бәйрәме. Россия - ул гаять зур һәм күпмилләтле ил, анда төрле мәдәниятләр һәм традицияләр, төрле милләт вәкилләре яши. Халыклар бердәмлеге көненә Сатыш авылы мәдрәсәсе музеенда “Халыклар бердәмлеге көне” темасына мәгълүмати сәгать оештырылды.
Көзге каникуллар вакытында 2025 елның 27 октябрендә Шәмәрдән балалар китапханәсендә «Рухият» клуб формированиесендә катнашучылар-«Рост» Шәмәрдән лицее укучылары белән «Подставка для телефона» мастер - классы булып узды. Катнашучылар илһамланып һәм пөхтә итеп ясадылар.
Арт-терапия кебек мастер-класслар тормышыбызны төрлеләндерергә, яңа сәләтләр ачарга, мәшәкатьләрдән арынырга мөмкинлек бирә. Чарада катнашучылар барысы да үз куллары белән башкарылган эштән канәгать калдылар.
Саба районы балалар китапханәсе проекты кысаларында 2025 елның 1 ноябрендә Шәмәрдән авыл китапханәләре китапханәчеләре «Читайка» клубы әгъзалары өчен «Әдәби аланда кунакта» әдәби сәгатен үткәрделәр. Балалар «Әдәби алан» проектының биремнәрен үтәделәр һәм җавапларны үз дәфтәрләренә яздылар. Чара барышында яңа китапларга күзәтү үткәрелде.