ЯҢАЛЫКЛАР
30 июль көнне Ике басу Арташ авыл китапханәчесе мәдәният йорты хезмәткәрләре белән берлектә Халыкара дуслык көне уңаеннан “Дуслык елмаюдан башлана” дип исемләнгән стенгазета чыгардылар.
Көмеш кыңгырау гәҗитендә "Гаилә белән китапханә" проекты чараларының берсе басылып чыкты.Әти әниләр сабыйлары белән китапханәгә йөрүне дәвам итә.
29 июль көнне Т.Нәҗмиев исемендәге Шәмәрдән авыл китапханәсе хезмәткәрләре төрле яшьтәге укучылар өчен «Быть здоровым – это стильно!» дип исемләнгән интеллектуаль-спорт уены оештырды. Китапханәчеләр Садыйкова Г., Мухаметзянова Л. сәламәт яшәү рәвеше темасына төрле викториналар һәм конкурслар үткәрделәр. Соңынна мәдәният йорты мәйданчыгында балалар сорауларга, табышмакларга җаваплар бирделәр һәм ялгыш җаваплар өчен спорт биремнәрен үтәделәр. Чара бик күңелле һәм мавыктыргыч узды, ахырдан барлык катнашучылар татлы призлар алдылар.
Китапның кеше тормышында әһәмияте бик зур. Чыннан да, тормышыбызны китап, газета, журналлардан башка күзаллавы бик авыр. Алар безгә укырга, белгечлек үзләштерергә, осталыкны камилләштерергә, күзаллауны киңәйтергә ярдәм итәлә;. алдагы буыннар тәҗрибәсен баетып, авырлыкларны җиңәргә булышып, тугры дусларга әйләнәләр.
29 июль көнне Шәмәрдән балалар китапханәсендә "Шат нур" мәчетендә эшләп килүче лагерьга йөрүче балалар өчен "Китапханә – серле дөнья"дип исемләнгән китапханә дәресе үткәрелде. Дәрес барышында китапханәче Зарипова И.Х. китап һәм китапханәнең кеше тормышындагы роле турында әңгәмә үткәрде, китапханә барлыкка килү тарихы турында сөйләде, балаларны китапханәдә үз-үзеңне тоту кагыйдәләре белән таныштырды, каталог буенча китап эзләргә өйрәтте. Дәрес ахырында балаларга үзләре теләгән китап-журналлар карарга һәм укырга мөмкинлек бирелде.
27 июль көнне,Кече Кибәче авыл клубында, (күчмә китап бирү пункты) 2019- театр елы уңаеннан, Чаллы драма театрында хезмәт куючы авылдашыбыз,Татарстанның атказанган артисты Әскәров Илфат Мансур улы белән очрашу кичәсе булды. Кичәгә артистның туганнары,дуслары,укытучылары,сыйныфташлары һәм театр сәнгатен сөюче тамашачылар килгән иде. Очрашу артист тормышының якты истәлекләре,хатирәләрен барлау һәм матур җырлар белән үрелеп барды.
27 июль көнне авыл китапханәсендә "Юлда куркынычсызлык әлифбасы"дигән темага юл куркынычсызлыгы буенча библиодәрес үткәрелде. Китапханәче балаларны "Сабантуй"журналыннан мәгълүмати, танып-белү материалы белән таныштырды. Балалар юл һәлакәте үзәгендә калмас өчен, үзләрен ничек тотарга тиешлекләрен һәм җәяүлеләр кичү юлларының нинди төрләре булуын кызыксынып белделәр; шулай ук велосипедчылар, роликлар,самокатлар яратучылар өчен кагыйдәләрне искә төшерделәр (җәйге чорда бу аеруча мөһим). "Яшь җәяүле" һәм "Күңелле юл йөрү кагыйдәләре"викториналары аеруча кызыклы үтте,чара юл йөрү кагыйдәләре темасына кроссворд чишү белән тәмамланды.
2019 ел Татарстан республикасында эшче һөнәрләр елы итеп билгеләнде. Шул уңайдан 26 июль көнне Туктар авыл китапханәсендә “Һөнәрләр күп, теләгәнеңне сайлап ал!” дип исмеләнгән китап күргәзмәсе эшләнде. Күргәзмәнең максаты яшь буынга эшче һөнәрләрнең төрләрен күрсәтү һәм аларның престижын арттыру. Күргәзмәгә төрле һөнәрләрне чагылдыра торган китаплар куелды. Китапханәче китапханәгә килүче балаларга кыскача мәгълүмат бирде. Шулай ук алар белән бергә «Worldskills 2019» исемле стенгазета да чыгардык.
26 июль көнне Сатыш авыл китапханәсендә «Китап һәм китапханә кеше тормышында»дип исемләнгән чара үткәрелде. Китапның кеше тормышында әһәмияте бик зур. Китап фикер йөртү сәләтен тудыра һәм үстерә.Бала күбрәк укыган саен, аның уку тизлеге арта, сөйләм теле байый, үз фикерен әйтергә өйрәнә, дөньяга карашы үзгәрә. Бүгенгесе көндә китапханәләр җәмгыять тормышында бик мөһим, чөнки алар барлык халыкка белемле, иҗади булырга, төрле дөньяви мәгълүматларны белергә ярдәм итүче булып тора. Китапханәче балаларга китапханә тормышы турында һәм нинди хезмәтләр күрсәтелгәне турында сөйләде. Укучылар кызыксындырган сорауларны бирделәр. Шулай ук Татарстан китап нәшриятының китапларыннан файдаланып китап күргәзмәсе оештырылды. Китапханәче нәшриятнең тарихы турында сөйләде һәм татар телендә язылган хикәяләр укылды.
26 июль көнне Шәмәрдән балалар китапханәсе төрле яшьтәге балалар өчен табышмаклар чишү көненә карата «Играют с нами в прятки – любимые загадки» дип исемләнгән викторина үткәрде. Викторина барышында балалар мичкәдә яшерелгән, әкият геройларына кагылышлы, табышмакларга җаваплар эзләделәр.
А.Д.Сахаровның 100 еллыгы уңаеннан, 26 июль көнне Т.Нәҗмиев исемендәге Шәмәрдән авыл китапханәсенә Шәмәрдән авылы социаль хезмәткәрләре ялгыз өлкән яшьтәге хатын–кызларын «Андрей Сахаров – человек эпохи» дип исемләнгән хәтер сәгатенә чакырды. Сахаров водород коралын уйлап табучы һәм Нобель премиясе иясе. Китапханәче Садыйкова Г.Х. академикның тормыш юлы, аның фәнни казанышлары, гаиләсе, бүләкләре һәм авыр төрмә вакытлары турында сөйләде. Чара барышында «Путь Сахарова» дип исемләнгән электрон презентация күрсәтелде.