Өстәл теннисы буенча традицион «Якшәмбе лигасы»
«Саба-Арена» спорт мәктәбендә 20 сентябрьдә өстәл теннисы буенча традицион «якшәмбе лигасы» узды. Ярышларда икенче лигада 12 дуэт һәм беренче лигада 9 дуэт катнашты.
Шәмәрдән егетләре "Локомотив" дуэты — Тимур Шәрәфиев һәм Богдан Елесеев пьедесталның өченче баскычын яуладылар. Икенче урынга «Спартак» дуэты — Илназ Шәйхетдинов һәм Ихсан Гомәров күтәрелде. «Сәида» хатын — кызлар дуэты-Камилә Әхмәтова һәм Самира Аглиуллина җиңүче һәм беренче лигага юллама иясе булды.
Беренче лигада өченче урында «Тибхар» дуэты — Рәсүл Мөбәрәкҗанов һәм Илсаф Латыйпов. Икенче урынны «Саба-Арена» дуэты — Екатерина Ищенко һәм Галина Гороховатченко алды.
Лиганың җинүчесе Динара Исмаилова «Соло».
Киләсе атнада сәламәтлек мөмкинлекләре чикләнгән затлар арасында өстәл теннисы буенча «Татарстан Кубогы» бөтенроссия ярышлары узачак!
Кунакка чакырабыз! Эссе булачак.