Олы Шыңар урта гомуми белем бирү мәктәбендә язгы өмә

2026 елның 20 апреле, дүшәмбе

18 нче апрель көнне Олы Шыңар урта гомуми белем бирү мәктәбендә язгы өмә булып узды, анда 5-11 нче сыйныф укучылары, шул исәптән сыйныф җитәкчеләре, укытучылар һәм мәктәп персоналы катнашты. Мәктәп территориясе сыйныфлар арасында участокларга бүленгән иде. Өмәдә катнашучылар мәктәп тирәсен тәртипкә китерделәр: чүп-чар, иске агач ботаклары җыйдылар, үткән елгы яфракларны һәм үләнне җыештырдылар, чәчәк клумбаларын тәртипкә китерделәр.
Барысы да бик тырышып эшләделәр! Хәзер безнең мәктәп тирәсендә чисталык һәм тәртип. Бу өмәдә катнашучыларның барысына да рәхмәт!