«Игенче» ҖЧҖендә сиптергечләрне һәм агулау машиналарын 2026 елгы сезонга кабул итү

Апрель ае безгә бөек шигырь Габдулла Тукайны бүләк иткән һәм бездән аерган да. Быел татар халкы шагыйрьнең тууына140 еллыкны билгеләп үтә. Мәктәбебез дә бу чараны атналык итеп оештырды. Бүген без Шытсу мәктәбе укучыларын кунакка чакырдык. Шагыйребез иҗатына багышланган "Тукай безне дуслаштыра" дип исемләнгән әдәби квиз үткәрдек. Укучыларыбыз шагыйрь турында белгәннәрен кабат искә төшерделәр, үзләре дә иҗат итеп карадылар, җырладылар, биеделәр. Ахырдан Тукай чорына кайтып , кабыклы бәрәңгедән авыз иттеләр. Эшләпә конфет белән тәмләп чәй эчтеләр. Тукай безне, чыннан да, дуслаштырды. Әлеге чара ике мәктәп укучылары күңелендә дә озак сакланыр әле

Югары Шытсуда зират янәшәсендә чүп контейнеры куелды. Зират янында чүп контейнерлары булу-территорияләрне чиста тоту һәм санитария нормаларын үтәү өчен уңайлы чара. Каберләрне җыештырганда хасил булган чүп-чарны (коелган яфраклар, ботаклар, кулланылган савытлар, чәчәк савытлары һ.б.) кешеләр бернинди проблемаларсыз үтилләштерә алалар. Шуны истә тотарга кирәк: зират яки аның янындагы территориядә чүп-чар җыю тыелган һәм административ җаваплылыкка китерергә мөмкин.

Төбәк авыл клубы үзешчәннәре Гөлшат Мөхәммәтшинаның "Пар аккош" әсәрен сәхнәләштерде. Спектакль район буенча бара торган конкурс нигезендә куелды. Тамашаны район мәдәният йортының жюри составы карап, югары бәя бирде. Спектакль тамашачыларга да бик ошады, һәр чыгыш көчле алкышларга күмелде.