Психология-2026 атналыгы
13 апрельдән 17 апрельгә кадәр "ОНИКС" мәгариф үзәгендә «Язгы психология-2026» атналыгы узды. Бу безнең эчке дөньябызга, гармониягә һәм үсешкә багышланган вакыт иде. Атнаның төп бурычы – мәгариф оешмасында бердәм ышаныч һәм психологик иминлек киңлеге булдыру.
Атна буена укучылар һәм педагоглар психология дөньясына чумдылар:
- эмоциональ интеллект һәм стресска чыдамлылык үсеше: үз хис-кичерешләреңне аңларга, алар белән идарә итәргә һәм тормыш авырлыкларын нәтиҗәле хәл итәргә өйрәнделәр.
- аралашу һәм коллективны берләштерү күнекмәләрен камилләштерү: үзара сәламәт мөнәсәбәтләр тудырдык, команда рухын ныгытып, бер-беребезне тыңларга һәм ишетергә өйрәндек.
- оештыру-методик һәм агарту эше: педагоглар һәм белгечләр, психология өлкәсендә һөнәри компетенцияләрен арттырып, белем һәм тәҗрибә белән уртаклаштылар.
9 нчы һәм 11 нче сыйныф укучылары өчен дәүләт имтиханнарына эмоциональ әзерләнүгә аерым игътибар бирелде. Имтиханнарны уңышлы тапшыру - белем генә түгел, үз-үзеңә ышаныч, стресс һәм уңай кәеф белән эшли белү дә ул!
«Психология-2026» атналыгы "ОНИКС" мәгариф үзәгендә тагын да уңайлырак атмосфера булдыруга мөһим адым булды. Әлеге атна дәвамында алган белем һәм күнекмәләр көчлерәк, ышанычлырак һәм бәхетлерәк булырга ярдәм итәр дип ышанабыз!