Партнерлык (ислам) финанславы буенча предприятиеләрдән һәм халыктан социологик сораштыру үткәрү турында
"Россия Федерациясенең аерым субъектларында партнерлык финанславы буенча эшчәнлекне гамәлгә ашыру өчен кирәкле шартлар тудыру максатларында махсус җайга салуны билгеләү буенча эксперимент үткәрү һәм Россия Федерациясенең аерым закон актларына үзгәрешләр кертү турында" 04.08.2023 №417-ФЗ Федераль закон нигезендә Татарстан Республикасы партнерлык (ислам) финанславы буенча экспериментны гамәлгә ашыру өчен пилот субъектлар санына керде.
Партнерлык (ислам) финанслары турында мәгълүматлылыкны бәяләү максатларында Татарстан Республикасы Икътисад министрлыгы Татарстан Республикасы предприятиеләре җитәкчеләре һәм халкы арасында социологик сораштырулар үткәрә.
Сораштыру агымдагы елның 24 апреленә кадәр озайтылды һәм министрлыкның рәсми сайтында «Эшчәнлек» бүлегендә, «Халыкны һәм бизнес вәкилләрен сораштыру» бүлекчәсендә, тиешле рубрикада алып барыла.
Предприятие җитәкчеләре өчен сораштыруга сылтама: https://mert.tatarstan.ru/anketirovanie-na-temu-spros-na-partnerskie.htm