Шекше авыл җирлегендә гражданнарны кабул итү булды
2026 елның 12 мартында Татарстан Республикасы Дәүләт алкоголь инспекциясенең Арча территориаль органы хезмәткәрләре, Саба муниципаль районының Шикше авыл җирлеге башлыгы катнашында, «кулланучылар хокукларын яклау турындагы Закон»га кагылышлы халыкка консультация ярдәме күрсәтү мәсьәләләре буенча гражданнарны күчмә кабул итү үткәрделәр. Мондый күчмә кабул итүләрнең төп максаты-гражданнар мөрәҗәгатьләренә оператив җавап бирү һәм авыл җирлеге территориясендә өстенлек итә торган аеруча проблемалы мәсьәләләрне ачыклау. Катнашучыларга Кулланучылар хокукларын яклау өлкәсендәге нормалар һәм кагыйдәләр, кулланучылар хокукларын яклау турында законнар булдыру тарихы, финанс белеме турында аңлатылды. Чара барышында сөйләшү темасына кагылышлы буклетлар, «Вестник потребителя Татарстана»газетасы таратылды. Шулай ук коррупциягә каршы юнәлештәге һәм финанс белеме буенча мәгълүмат бирелде. Катнашучылар тиешле сыйфатлы товарны алмаштырганда кулланучы хокукларына, техник яктан катлаулы товарларны кайтару срокларына кагылышлы мәсьәләләргә кагылдылар һәм түләнгән товарны китерү срогын бозган очракта сатучыга нинди нәтиҗәләр булачагын ачыкладылар.