Игътибар! 26.03.2026 сәгать 14:00 дә Байлар Сабасының генераль планы турында фикер алышуга багышланган җыелыш планлаштырылган!

Безнең Мичән төп мәктәбе укучылары Галимуллина Альбина һәм Әскәров Илзәр Казан шәһәренең КГАУ да узган "Татарстан фәннәре һәм яшьләре"- "Агровызов" фәнни-җитештерү комплексында катнаштылар. Бу ярышларда укучыларыбыз призер булдылар. Укучыларыбыз сезне чын күңелдән җиңүләрегез белән котлыйбыз!!!

14-15 март көннәрендә Базарлы Матак авылында ТР шәхси Кубогының 1 туры узды. Спортчылар 2011 нче һәм өлкәнрәк ( Б төркеме) һәм 2012 нче елгы  һәм яшьрәкләр категорияләрендә катнаштылар. В төркемендә Зәйнеев Айназ ир-атлар арасында парлы разрядта 1 урынны һәм катнаш парлы разрядта 1 урынны алды.201елгы  һәм аннан яшьрәкләр категориясендә ялгыз разрядта Әхмәтшина Камила 1 урынны , ир-атлар ялгыз разрядында Идрисов Нияз 3 урынны алды.Спортчыларны котлыйбыз һәм аларга алга таба да  уңышлар телибез!

25 март көнне Хәрби һәм хезмәт батырлыгы елы кысаларында Лесхоз өлкәннәр һәм инвалидлар өчен интернат-йортында тәрбияче җитәкчелегендә интернатта яшәүчеләр белән «Сугыш булды, без тыл идек» дигән темага тарихи сәгать үткәрелде.  

Һәр ял саен Мишә авыл  җирлегендә урамнар арасында спортның төрле төрләре буенча ярышлар уза. Спартакиада бу елның ахырына кадәр дәвам итәчәк. Ярышларда берничә урамнан торган 7 команда катнаша. Бүгенге көндә чаңгы ярышлары, киез итекле волейбол, дартс, шашка, шахмат, ату, кул корәше, мини футбол ярышлары булды. Командалар актив катнаша. Бистә администрациясе һәр уеннан соң җиңүчеләрне грамота һәм акчалата приз белән бүләкли. Мишә авыл җирлеге урамнары арасындагы Спартакиада безнең һәм халык өчен традициягә әверелде.