Бакчада тәрбияләнүче балалар тарафыннан бәйрәм концерты күрсәтелде

2026 елның 24 марты, сишәмбе

18нче март көнне Саба аграр көллияте базасында "Шоколад" балалар бакчасы коллективы һәм бакчада тәрбияләнүче балалар тарафыннан бәйрәм концерты күрсәтелде.

Залда утыручы әти-әниләр, әби-бабайлар сәхнә түрендә чыгыш ясаучы сабыйлары өчен чын күңелдән сөенеп утырды. Бәйрәм чарасына эчтәлекле шигырьләр яңгырады, балалар һәм әти-әниләр башкаруында җырлар җырланды, шаян биюләр, сәхнәләштерелгән тамаша күрсәтелде. Балалар бакчасында эшләүче хезмәткәрләр дә үзләренең чын профессионаллар икәнлекләрен исбатлады. Алар да тамашачыларны үзләренең ямьле чыгышлары белән сөендерде.