«Балачак» балалар бакчасында Гаилә бәйрәме

2026 елның 12 марты, пәнҗешәмбе

Күптән көтелгән яз җитте. Ә март башында без иң назлы һәм иң матур «Гаилә бәйрәме»н билгеләп үтәбез. Саба 6 нчы номерлы «Балачак» балалар бакчасында Ватанны саклаучылар һәм 8 Март Халыкара хатын-кызлар көненә багышланган бәйрәмнәр узды. Балалар матур шигырьләр, җырлар, мавыктыргыч биюләре аша үзләренең әти-әниләрен чын күңелдән яратуларын белдерделәр. Ә инде балалар кулы белән ясалган бүләкләр әти-әниләр өчен бик зур сюрприз булды. “Балачак” балалар бакчасында узган “Гаилә бәйрәме” күңелле һәм бик матур үтте!