Гөлчәчәк Хуҗина бадминтон буенча республика турнирында беренче урынны яулады
2026 елның 4 мартында Казанның Бадминтон үзәгендә Татарстан Республикасы муниципаль берәмлекләренең контроль‑хисап палаталары хезмәткәрләре арасында бадминтон буенча беренче турниры узды.
Ярышларны Татарстан Республикасы Хисап палатасы каршындагы Контроль‑хисап органнары Советы оештырды. Чара йомгаклары буенча турнирны ел саен уздыру турында Карар кабул ителде.
Ярышлар өчен спорт төрен сайлау очраклы түгел. Контроль-хисап органнары Советы Рәисе, Татарстан Республикасы Хисап палатасы җитәкчесе Алексей Иванович Демидов Татарстан Республикасы Бадминтон федерациясенең күзәтчелек советын җитәкли һәм төбәк территориясендә спортның бу төрен үстерүгә зур өлеш кертә.
Турнирда республиканың Контроль-хисап органнарыннан 20 вәкил катнашты. Ярышлар ике яшь категориясенә бүленеп, түгәрәк системасы буенча ир-атлар һәм хатын-кызлар арасында ялгыз турнирлар форматында уздырылды.
Ярышларда беренче урынны яулаган якташыбыз Хуҗина Гөлчәчәкнең казанышы аеруча горурлык уята.
Гөлчәчәкне җиңүе белән котлыйбыз һәм алга таба да спортта уңышлар телибез!