Без – көчле команда!
22 нче февраль көнне " Игенче" җәмгыятенең иң - иңнәре, чаңгы спортын үз иткән егет- кызлары ,Лесхоз бистәсендә үткәрелгән авыл хуҗалыгы һәм авыл җирлеге идарәсе хезмәткәрләре арасында узган чаңгы ярышында катнашып алдынгы урыннар яулап кайттылар.
Килүгә үк безнең команданың иң беренче экипировка:формалар белән килүе күпләрдә соклану тудырды!
Бер формада киенеп килү бер яктан күзгә ташланырлык матур булса , икенче яктан махсус тектерелгән куртка спортчыларыбызны салкыннан саклый!
Бер төрле һәм бердәм булуыбыз белән дә игътибар үзәгендә булдык.
Кайбер авыл хуҗалыгы оешмалары бер команда туплап килгәндә , бездән өч команда җыелып килү - үзе бер горурлык!
Шундый кешелекле караш белән, безнең өчен янып- көеп йөргән җитәкчебез Алмаз Зөфәровичка рәхмәтләребез зур!
Ярышка әзерлек барышында бер нинди каршылыксыз тренировкаларга йөрүдә, чаңгы шуарга барлык мөмкинлекләрне булдыруда җитәкчебезнең зур хезмәте кергән.
Командалар буенча :
- "Игенче-1" командасы l урын
- "Игенче-2" командасы - ll урын
- "Игенче - 3" командасы - V урын яулады
- Аерым күрсәткечләр буенча:
- житәкчебез Алмаз Зөфәрович- l нче урын
- Зарипова Айзилә- l урын
- Мирзегалямова Чулпан - ll урын
- Мәхмүтов Рифнур - l урын
- Хөсәенов Айдар- ll урыннарны яуладылар.
Бик шатбыз сезнең өчен! Күпме көч , әзерлек таләп итә торган спорт төре ул - чаңгы ярышы! Шуңа күрә бик популяр да!