«Научный прорыв. Фәнни алгарыш» премиясен тапшыру тантанасында музей хезмәткәрләренең күргәзмә белән катнашуы.
“Научный прорыв. Фәнни алгарыш” премиясе лауреатларын бүләкләү тантанасы алдыннан Бәшир Рамеев исемендәге Казан IT-паркында республика фәнни проектлары күргәзмәсе оештырылды.
Премия 2025 елда Татарстан Республикасы Фәннәр академиясе тарафыннан фәнне популярлаштыру, фәнни җәмәгатьчелекне фәнни-тикшеренү эшләренең нәтиҗәлелеген күтәрүгә, яшьләрне фәнни тикшеренүләргә җәлеп итү, фәнни хезмәтнең абруен күтәрү максатларында гамәлгә куелды. Әлеге тантана уңаеннан Саба туган якны өйрәнү музее һәм Саба урман хуҗалыгы тарихы музее хезмәткәрләре тарафыннан 2003 елда Фән һәм техника өлкәсендә Дәүләт премиясе лауреаты - Миңнеханов Н.М. эшчәнлегенә багышланган күргәзмә тәкъдим ителде. Аның урманны сайлап кисүнең «Саба методы»н эшләүгә керткән өлеше билгеләп үтелде. Үсеп килүче буын хәзерге вакытта аның тәҗрибәсендә белем ала. Лесхоз урта мәктәбе нигезендә, Н.Миңнеханов инициативасы белән мәктәп урманчылыгы булдырылды. Анда урман хуҗалыгында хезмәт куючыларга карата хөрмәт, табигатьне ярату һәм хезмәт сөючәнлек тәрбияләнә.