Муниципаль районнар Саба муниципаль районы

Бүген — РФ прокуратурасы хезмәткәре көне!

2026 елның 12 гыйнвары, дүшәмбе

Хөрмәтле прокуратура хезмәткәрләре! Сезне чын күңелдән һөнәри бәйрәмегез белән котлыйбыз!

Район прокуратурасы – хокук саклау органнары системасында аеруча мөһим органнарның берсе. Гражданнар хокукларын һәм иреген саклауга күзәтчелекне оештыруда, кешеләрнең законга ышанычы, хокук культурасын һәм закон таләпләрен үтәүне формалаштыруда күбесе сезнең һөнәри осталыкка бәйле. Кешеләр язмышына кагылучы мәсьәләләрне хәл иткәндә сезгә таләпчәнлек һәм игътибарлылык, гаделлек һәм гуманлылыкны тәңгәлләштерергә туры килә һәм бу эшчәнлек хөрмәткә һәм рәхмәткә лаек. Сезгә киләчәктә дә һөнәри эшчәнлегегездә уңышлар, сәламәтлек, бәхет һәм иминлек телибез!

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

12

гыйнвар, 2026 ел

Сатыш авылында бильярд буенча яңа ел турниры

9 январь көнне Сатыш авыл мәдәният йортында көнозын русча бильярд буенча яңа ел турниры узды. Турнирда Сатышлылар гына түгел, шулай ук Лесхоз, Теләчедән дә килеп катнаштылар. 1 нче урын - Альберт Юнысов (Теләче) 2 нче урын - Владимир Логинов (Теләче) 3 нче урын - Шәйхулла Шәрифуллин (Сатыш) Җиңүчеләргә бүләкләр тапшырылды.

Сатыш авылында көрәш буенча Яңа ел турниры

6 гыйнвар көнне Сатыш авылы мәдәният йортында 2008 нче елгы һәм аннан яшьрәк егетләр арасында көрәш буенча Яңа Ел турниры булып узды. Бәйгедә Саба һәм Теләче районнарыннан 15 авырлык категориясе буенча 70 дән артык көрәшче катнашты. Көрәшчеләрне котларга Кыш бабай һәм Кар кызы да килгән иде. Татарстан Республикасы Дәүләт Советы депутаты Хаҗипов Нәҗип Нәкыйпович, ООО "Саба" Сатыш бүлекчәсе җитәкчесе Шаймарданов Раиль Рафикович, ООО "Саба" оешмасы җитәкчесе Билалов Адель Альбертович иганәчелек ярдәме белән барлык көрәшчеләргә Яңа ел бүләкләре тапшырылды. Спортчыларны һәм аларның тренерларын уңышлы чыгышлары белән котлыйбыз.

Үкенерлек түгел үткәннәр

10 январь көнне Югары Шытсу мәдәният йортында, агымдагы елда 50 яшьлек юбилейларын билгеләп үтүчеләргә багышлап "Үкенерлек түгел үткәннәр" дип исемләнгән кичә үткәрелде. Авылның тырыш, эш сөючән егетләре Фархуллин Рафаэль, Гараев Фидаиль һәм Файзрахманов Ришат бәйрәм киченең үзәгендә булдылар. Мәдәният хезмәткәрләре җыр-бию, кызыклы уеннар, котлаулар белән әлеге чараны матур итеп алып бардылар.

ЯҢАЛЫКЛАРГА ЯЗЫЛУ

Сайттагы барлык материаллар лицензия буенча тәкъдим ителә:

Creative Commons Attribution 4.0 International

Хата таптыгызмы? Сүзне яки җөмләне билгеләгез һәм CTRL+ENTER басыгыз