Биатлон буенча Татарстан Республикасы беренчелеге
2025 елның 16-18 августында Мирный бистәсендәге (Казан) «Мирный» комплексында 2009-2014 елгы егетләр һәм кызлар арасында биатлон буенча Татарстан Республикасы беренчелеге узды.
ТР беренчелегендә медальләр өчен республиканың төрле спорт оешмаларыннан килгән 70тән артык биатлончы өч яшь төркемендә көрәште:
- 15-16 яшь (2009-2010 елгы)
- 13-14 яшь (2011-2012 елгы)
- 11-12 яшь (2013-2014 елгы).
Ярышлар йомгаклары буенча «Сабантуй» спорт мәктәбенең яшь спортчылары тренерлары Д. М. Шакирҗанов җитәкчелегендә төрле дәрәҗәдәге медальләр яуладылар:
2 урын — Шакирҗанов Әнвәр (2013-2014 елгы яшүсмерләр, кросс-гонка)
3 урын – Гайнуллин Инсаф (2011-2012 елгы яшүсмерләр, кросс-спринт)
4 урын – Шакирҗанов Әнвәр (2013-2014 елгы яшүсмерләр, кросс-спринт)
6 урын – Галимова Нәфисә (2011-2012 елгы кызлар, кросс-спринт)
7 урын — Тимергәлиев Рияз (2013-2014 елгы яшүсмерләр, кросс-спринт)
9 урын – Гайнуллин Инсаф (2011-2012 елгы яшүсмерләр, роллер-гонка)
Чемпионнар һәм призерлар дипломнар, медальләр һәм кыйммәтле бүләкләр белән бүләкләнде.