"Урман сәфәре"
11 июль конне Эзмэ мэдэният йорты балалар белэн "Урман сәфәре" дип исемләнгән экологик сукмагы буйлап сәяхәткә чыкты — табигатьнең матурлыгын, аның байлыгын һәм безнең экосистемага булган йогынтыбызны аңлау өчен искиткеч мөмкинлек. Урманга кергәндә ин беренче пихта агачлары каршы алды, ул урманның төп символы, ул безгә чиста һава, салкын күләгә һәм ямьле пейзажлар бүләк итә. Пихта агачлары арасында йөреп, без табигатьнең тынычлыгын тоябыз, агачларның йомшак шаулавын тыңлыйбыз. Сәяхәт барышында без җиләкләр җыю мөмкинлеген дә кулдан ычкындырмадык. Урманның байлыгы — җиләкләр, аларның тәме һәм витаминнары безнең сәламәтлегебез өчен файдалы. Җиләк җыю — бу бары тик ризык кына түгел, ә табигать белән берләшү, аның биргәннәре өчен рәхмәт әйтү. Көн бик эссе булганлыктанмы чишмәдән су эчү бу сәфәрнең иң күңелле моментларының берсе булгандыр. Чишмә суының сафлыгы, аның салкынлыгы һәм чисталыгы безгә көч бирә, шулай ук табигатьнең олы бер бүләге булып тора. Чишмә янында туктап, без табигатьнең тынычлыгын тоябыз, аның матурлыгын сокланып карыйбыз. Балаларга бик охшады. "Урман сәфәре" экологик сукмагы — табигатькә мәхәббәтне арттыру, аның саклануына ярдәм итү һәм безнең планетабызның байлыгын аңлау өчен искиткеч мөмкинлек.