Дуслык фестивале

2025 елның 21 гыйнвары, сишәмбе

Укучыларга халыклар дуслыгынын мөхимлеген анлату максатларында 17 гыйнварь көнне Саба гимназиясендә «Дуслык фестивале» булып узды.

“Дуслык фестивале” – исеме генә дә аның җисемен ачып бирә. Ул гади фестиваль түгел, ул күп жанрлы милли мәдәниятләр бәйрәменә әверелде. Сәхнәгә бер-бер артлы төрле милләт мәдәниятен күрсәтергә 5-8 сыйныф укучылары күтәрелде, үзләренең талантлы чыгышлары аша җирәбә буенча сайлап алынган төрле ил мәдәнияте,  гореф-гадәтләре белән таныштырдылар. Фестивальне бөтен катнашучы “Дуслык” жыры белән тәмамладылар.