Саба районының Лесхоз урта мәктәбе укучылары өчен сыйныфтан тыш дәрес
2024 елның 19 декабрендә Саба районының Лесхоз урта мәктәбендә Татарстан Республикасы Дәүләт алкоголь инспекциясенең Арча территориаль органы хезмәткәре өлкән сыйныф укучылары өчен дәрес үткәрде. Көн саен, сатып алулар ясаганда, теге яки бу хезмәтләр алганда – без барыбыз да кулланучылар булып торабыз. Цифрлы технологияләр үсеше яктысында сатуның дистанцион методлары торган саен популярлаша бара, шуңа күрә товарның сыйфатын, аның рекламада яки җитештерүче сайтында белдерелгәнгә туры килүен һәрвакытта да урында тикшереп булмый. Һәм моның белән иртәгә үк бүгенге мәктәп укучыларына очрашырга туры киләчәк.
Гражданнарның хокукый хәбәрдар булуы-җитештерүченең үз өстенә алган йөкләмәләрен үтәвен контрольдә тотуның төп механизмы.
Чара барышында мәктәп укучылары белән кулланучылар хокукларын яклау турындагы законнарның һәм «коррупциягә каршы тору турында»гы Федераль законның кайбер нормаларын карадылар. Укучыларга кулланучылар хокукларын яклау буенча ел саен Татарстан Республикасы Дәүләт алкоголь инспекциясе үткәрә торган олимпиада турында искә төшерделәр һәм киләсе уку елында анда актив катнашырга киңәш иттеләр.