Үсемлекчелек һәм 2024 елның 1 августына терлекчелек эшенә йомгаклар буенча cеминар-киңәшмә
14 августта «Курсабаш» ҖЧҖ базасында, Саба муниципаль районы башлыгы Рәис Миңнеханов җитәкчелегендә, үсемлекчелек һәм 2024 елның 1 августына терлекчелек эшенә йомгаклар ясау буенча семинар-киңәшмә узды. Чарада Саба районының авыл хуҗалыгы һәм азык-төлек идарәсе белгечләре, районның авыл хуҗалыгы оешмалары һәм ветеринария хезмәте җитәкчеләре һәм белгечләре катнашты. Киңәшмә районда урып-җыю эшләренең барышы, терлек азыгы әзерләү һәм алдагы чәчү кампаниясе турында фикер алышудан башланды. Ашлык киптерү комплексын һәм авыл хуҗалыгы техникасы һәм агрегатлары паркын карадылар. Киңәшмә барышында авыл хуҗалыгы һәм азык-төлек идарәсенең җитештерү бүлеге консультанты Илшат Нурмиев катнашучыларны хуҗалыклар буенча терлекчелек күрсәткечләре белән таныштырды. Аннары «Курсабаш» ҖЧҖенең орлыкландыру буенча технологы Светлана Фәсхетдинова хуҗалыкта ветеринария чараларын оештыру турында нотык белән чыгыш ясады. Сыерларны корылык чорына әзерләү чаралары турында җентекләп сөйләде.Хуҗалыкта маститны вакытында ачыклау һәм дәвалауга, тоякларны эшкәртүгә аерым игътибар бирелә. Шулай ук хуҗалыкның икътисадый күрсәткечләре турында хуҗалыкның баш бухгалтеры нотыгын да тыңладылар. Булачак азык үзәге мәйданчыгында азык саклау склады төзелеше башланды. «Курсабаш» ҖЧҖендә һәркөнне 16 тоннадан артык сөт савыла, бер сыердан уртача 29 кг сөт савыла. Делаваль саву залы булган сөт комплексы һәм Lely фирмасының 4 роботы булган робот комплексы эшли.